પ્રધાનમંત્રી ઈમરાન ખાન ચૂટણીમાં ‘નયા પાકિસ્તાન’ બનાવવાના વાયદા સાથે સત્તા પર આવ્યા હતા. પરંતુ આર્થિત રીતે બેહાલ અને કંગાળ પાકિસ્તાનની હાલત એ છે કે શનિવારે મોડી રાતે અચાનક આખા દેશમાં વીજળી ગુલ થઈ ગઈ છે. આ કારણે પાકિસ્તાનના તમામ પ્રમુખ શહેર અને પ્રાંત કરાંચી, લાહૌર, પેશાવર, ઈસ્લામાબાદ, મુલ્તાન અને રાવલપિંડી સમગ્ર શહેરો અંધારામાં ડૂબી ગયા હતા. હંમેશાની જેમ પાકિસ્તાને આનો દોષનો ટોપલો ભારત પર નાંખ્યો છે.
શેખ રશીદે આને ભારતનું ષડયંત્ર નજર આવ્યું
ઉર્જા મંત્રાલયે ટ્વિટરના માધ્યમથી જાણકારી આપી
સોશિયલ મીડિયા પર #blackout ટ્રેન્ડ કરી રહ્યું છે
શેખ રશીદે આને ભારતનું ષડયંત્ર નજર આવ્યું
સમગ્ર પાકિસ્તાનમાં વીજળી ગુલ થવા પર ઈમરાન સરકારના મંત્રી શેખ રશીદે ભારતનું ષડયંત્ર નજર આવ્યું છે. તેમણે પાકિસ્તાનમાં વીજળી ગુલ થવાનું ઠીકરું ભારત પર ફોડ્યું છે. શેખ રશીદે કહ્યું કે ભારતે પાકિસ્તાનની વીજળી એટલા માટે કાપી જેથી ત્યાં થઈ રહેલા ખેડૂત આંદોલન પરથી લોકોનું ધ્યાન હટી જાય.
સોશિયલ મીડિયાથી આપી જાણકારી
પાકિસ્તાનના ઉર્જા મંત્રાલયે ટ્વિટરના માધ્યમથી જાણકારી આપી કે પાવર ટ્રાંસમિશન સિસ્ટમમાં ફ્રીકેન્સીમાં અચાનક 50થી 0નો ઘટાડો આવવાથી દેશવ્યાપી બ્લેકઆઉટ થઈ ગયું છે. મંત્રાલયના જણાવ્યાનુંસાર આ ટેક્નોલોજીમાં આ સમસ્યા 11.41 વાગે આવી હતી. મંત્રાલયે લોકોન સંયમ રાખવા માટે કહ્યું છે. હાલમાં ક્રમબદ્ધ રીતે વીજળીના સપ્લાયને ફરીથી કાયમ કરવામાં આવી રહ્યો છે.
ટ્રિપિંગને યોગ્ય કરવા માટે લોકો ભેગા થયા છે
રાજધાની ઈસ્લામાબાદ સંપૂર્ણ રીતે અંધારામાં ડૂબી ગયા બાદ ડેપ્યુટી કમિશ્નર હમજા શફકતે ટ્વીટ કરી જાણકારી આપી હતી કે નેશનલ ટ્રાન્સમિશન એન્ડ ડિસ્પેચ કંપની સિસ્ટમની ટ્રિપિંગના કારણે બ્લેકઆઉટ થયું. થોડી વારમાં બધુ જ સારુ થઈ જશે. ટ્રિપિંગને યોગ્ય કરવા માટે લોકો ભેગા થયા છે.
સોશિયલ મીડિયા પર #blackout ટ્રેન્ડ કરી રહ્યું છે
પાકિસ્તાનમાં દેશવ્યાપી બ્લેકઆઉટ થયા બાદ સોશિયલ મીડિયા પર #blackout ટ્રેન્ડ કરી રહ્યું છે. રસપ્રદ વાત એ છે કે આ પહેલા પાકિસ્તાનમાં એવું બની ચૂક્યું છે કે દેશના લોકો ટેક્નીકલી ખામીના કારણે અનેક કલાકો સુધી વીજળી વગર રહેવું પડ્યું હતુ. તે સમયે સોશિયલ મીડિયા પર તેની ખૂબ ચર્ચા થઈ હતી.
પાકિસ્તાનમાં ઉભા થયેલા વીજળી સંકટ બાદ ટ્વીટર પર મીમ્સ બની રહ્યા છે. એક ટ્વિટર યુઝર્સે લખ્યું, ‘મીણબત્તી લાઓ રે’. ત્યારે ઈમરાનની તસ્વીર શેર કરતા એક યુઝર્સે લખ્યું કે અમે નવા ડાર્ક મોડ ફિચરનું ટેસ્ટ કરી રહ્યા છીએ, પ્લીઝ ગભરાશો નહીં.’ પાકિસ્તાનમાં લાલા ટોપીના નામે મશહુર જૈદ હામિદે તો ભારતનો ડર સતાવા લાગ્યો. તેણે લખ્યું કે સમગ્ર પાકિસ્તાનમાં વીજળી ગુલ... પાકિસ્તાન એરફોર્સ આપ રેડ એલર્ટ પર રહો... તૈયાર રહો.’