અમદાવાદમાં ભુવા પડવાનું હજુ પણ યથાવત્ છે. શહેરના મેઘાણીનગર ચાર રસ્તા પાસે પણ ભૂવો પડ્યો છે. શહેરમાં ભૂવા પડી રહ્યા છે જેના કારણે વાહન ચાલકોને પણ ભારે હાલાકીનો સામનો કરવો પડી રહ્યો છે. મેઘાણીનગર ચાર રસ્તા પર પડેલા ભાવાના કારણે AMCએ આ વિસ્તારને કોર્ડન કર્યો છે. અહીં એક જ વર્ષમાં બીજી વખત ભૂવો પડ્યો છે. જેના કારણે ટ્રાફિક જામની પણ સમસ્યા સર્જાઈ રહી છે. અમદાવાદ શહેર માત્ર થોડા વરસાદમાં જ ભૂવાનગરી બની ગઈ છે. ત્યારે તંત્રની કામગીરી પર પણ સવાલો ઉઠી રહ્યા છે.