વૈજ્ઞાનિકો વિશ્વભરમાં આતંક મચાવી રહેલા કોરોના વાયરસ સામે દવા શોધવાનું સતત કામ કરી રહ્યા છે. વોશિંગ્ટનમાં સંશોધનકારોએ ઉંદરો પર કોવિડ 19 માટેની સંભવિત રસીનું પરીક્ષણ કર્યું છે. વાયરસની અસરને નિષ્ક્રિય કરવા માટે રસીએ ઉંદરોમાં સફળતાપૂર્વક રોગ પ્રતિકારક શક્તિ વિકસાવી એવું પરિણામમાં બહાર આવ્યું છે.
આ અધ્યયનમાં જાણવા મળ્યું છે કે ઉંદરોમાં જ્યારે પીટ્સબર્ગ કોરોના વાયરસ (પિટ્કોવાક) ની રસી પરીક્ષણ કરવામાં આવી ત્યારે તેણે કોરોના વાયરસ-સાર્સ સીઓવી-૨ સામે મોટી માત્રામાં એન્ટિબોડીઝ વિકસાવ્યા. આ એન્ટિબોડીઝ રસી આપ્યાના બે અઠવાડિયામાં રચાયા હતા.
પ્રતિકારક શક્તિ પેદા કરવા માટે સ્પાઇક પ્રોટીન જરૂરી
USAના પીટ્સબર્ગ યુનિવર્સિટીના વરિષ્ઠ સહ સંશોધનકર્તા એન્ડ્રીઆ ગેમ્બોટ્ટોએ જણાવ્યું હતું કે અમે 2003માં સાર્સ-સીઓવીનું અને 2014 માં સાર્સ-સીઓવી ૨ પૂર્વનું સફળ પરીક્ષણ કર્યું છે. આ બે વાયરસ, જે હાલના કોરોના વાયરસ સાથે ગાઢ સંબંધ ધરાવે છે તે સૂચવે છે કે વાયરસ સામે પ્રતિકારક શક્તિ પેદા કરવા માટે સ્પાઇક પ્રોટીન નામનું વિશિષ્ટ પ્રોટીન જરૂરી છે.
ગેમ્બોટ્ટોએ કહ્યું કે અમે જાણી ગયા છીએ કે આ નવા વાયરસના કયા ચોક્કસ ભાગ સામે લડવાની જરૂરિયાત છે. હાલના સંશોધન પ્રમાણે વૈજ્ઞાનિકોએ આ વિશિષ્ટ પ્રોટીનના લેબમાં તૈયાર કરેલા ટુકડા બનાવ્યા છે જેનો ઉપયોગ આ વાયરસ સામે શરીરમાં રોગપ્રતિકારક શક્તિ બનાવવા માટે થશે.
400 નાનકડી સોયથી બનેલી નવા પ્રકારની રસીકરણ પદ્ધતિ
તેઓ કહે છે કે જે રીતે અત્યારે ફ્લૂ માટે રસી આપવામાં આવે છે, આ રસી પણ એ જ રીતે કાર્ય કરે છે . આ અધ્યયનમાં સંશોધનકારોએ રસીની અસર વધારવા માટે રસી આપવાની નવી પદ્ધતિ અપનાવી છે જેને માઈક્રો નીડલ એરે કહેવામાં આવે છે.
તેઓએ અહેવાલ આપ્યો છે કે આ રસી 400 નાની નાની સોયથી બનેલો આંગળીના ટેરવા જેવા આકારનો એક ટુકડો છે જે ત્વચાના તે ભાગમાં સ્પાઇક પ્રોટીનના ટુકડાઓ પહોંચાડે છે જ્યાં રોગપ્રતિકારક શક્તિ સૌથી વધુ હોય છે. આ અભ્યાસ E biomedicine જર્નલમાંમાં પ્રકાશિત કરવામાં આવ્યો છે.