તમારા કામનું / બટેકાની છાલ ફેંકી દેતા હોય તો આજથી જ શરૂ કરો પ્રયોગ! રાતોરાત આ મોટી સમસ્યામાંથી મળશે છૂટકારો

• શું ખરતા વાળથી છો પરેશાન?
• બટેટાની છાલ વાળ માટે મદદરૂપ 
• જાણો બટેટાની છાલમાં ક્યા ક્યા પોષકતત્વો હોય છે 

શું ખરતા વાળથી છો પરેશાન?

આજકાલનાં ભાગદોડ ભરેલા જીવનમાં આપણને પોતાની સુંદરતાનું ધ્યાન રાખવા માટે સમય મળતો નથી. આવામાં ખાસકરીને આપણા વાળ પર ખૂબ જ ખરાબ અસર પડે છે. વાળ ખરી જાય છે, નાની ઉંમરમાં ટાલ પડી જાય છે, વાળ પાતળા થઇ જાય છે અને ઉંમર પહેલા સફેદ પણ થઇ જાય છે. નાની ઉંમરમાં વાળનું સફેદ થવું કે નબળું પડી જવું આજકાલ સામાન્ય સમસ્યા બની ગઈ છે. આ તકલીફથી બચવા માટે લોકો ઘણા પ્રકારના ઉપાયો પણ અપનાવે છે. પરંતુ કોઈ અસર જોવા મળતી નથી. પરંતુ આજે તમને અમે એવા ઉપાય વિષે જણાવવા જઈ રહ્યા છીએ, જે સરળ પણ છે અને તમારો વધારે સમય પણ નહી લે. વાળને ફરી કાળા બનાવવા માટે અને નવા વાળ ઉગાડવા માટે તમે બટેટાની છાલનો ઉપયોગ કરી શકો છો. આમ કરવાથી તમારા વાળ નેચરલ રીતે કાળા બનશે અને વાળની રંગત પછી ફરશે. 

ન્યૂટ્રીએંસથી ભરપૂર છે બટેટા 
બટેટા અને તેની છાલમાં પણ ઘણા પ્રકારના ન્યૂટ્રીએંસ મળે છે, જેથી શરીરને ઘણા પ્રકારના ફાયદા થાય છે. આ પોષક તત્વોમાં વિટામિન B અને વિટામિન C, વિટામિન B-6, ફાસ્ફોરસ, મેગ્નેશિયમ અને ફોલેટની ઘણી માત્રામાં હોય છે. 

બટેટાની છાલથી બનાવો હેર માસ્ક 

• બટેટાની છાલથી હેર માસ્ક બનાવવા માટે સૌતથી પહેલા બટેટાની છાલ ઉતારી લો.
• આ છાલને ઠંડા પાણીમાં નાંખીને ઉકાળી લો.
• 10 મિનિટ સુધી ઉકાળ્યા બાદ તેને ઠંડા પાણીથી ઠંડી કરી લો.
• આ પાણીને એક જારમાં ભરી લો. 

બટેટાની છાલનો ઉપયોગ કરવાની રીત 
બટેટાની છાલનાં આ પાણીને તમે પોતાની સ્કેલ્પ પર ધીરે ધીરે 5 મિનિટ મસાજ સાથે લગાવીને થોડી વાર માટે છોડી દો. આ બટેટાનાં પાણીને 30 મિનિટ સુધી પોતાના વાળમાં આમ જ લગાવી રાખો. ત્યાર બાદ ઠંડા પાણીથી વાળ ધોઈ લો.