હેલ્થ / ભ્રમમાં ન રહેતા! બટેકાથી પણ ઘટી શકે છે વજન, રીત જાણી લેશો તો થશે ફાયદો

• બટેટાનું સરખી રીતે સેવન શરીર માટે ફાયદાકારક 
• બટેટામાં વિટામિન એ, સી, બી-કોમ્પ્લેક્સ અને કાર્બોહાઈડ્રેટ
• બાફેલ બટેટા ખાવાથી તમને વારંવાર ભૂખ લાગતી નથી

બટેટા શાકનો રાજા
આપણા દેશમાં બટેટા એક એવું શાક છે, જેનો ઉપયોગ કોઈ પણ શાકભાજી સાથે કરી શકાય છે. એટલે જ શાકભાજીનો રાજા બટેટાને કહેવાય છે. બટેટા એટલે ઘણી બધી સ્વાદિષ્ટ વાનગીઓ. પછી ભલે તે આલુ ટિક્કી જેવો દેશી સ્વાદ હોય કે પછી આલુ ટિક્કી બર્ગરનો વિદેશી સ્વાદ હોય. બટેટા દરેક ખાદ્ય પદાર્થોમાં તડકા લગાવાનું કામ કરે છે, પરંતુ તેમ છતાં લોકો બટેટાને રોગનું મૂળ પણ કહે છે, ખાસ કરીને શુગરના દર્દીઓ માટે. હેલ્થલાઈન મુજબ બટેટામાં પોટેશિયમ પૂરતા પ્રમાણમાં મળી આવે છે. આ સિવાય તેમાં ફાઇબર પણ હોય છે. તેનાથી બ્લડ પ્રેશર કંટ્રોલમાં રહે છે. બટેટાનું સેવન પાચન માટે પણ ફાયદાકારક છે. તે કોલેસ્ટ્રોલનું સ્તર પણ ઘટાડે છે. બટેટામાં વિટામિન એ, સી, બી-કોમ્પ્લેક્સ અને કાર્બોહાઈડ્રેટ હોય છે. તે હાઈપોગ્લાયસેમિક ઇન્ડેક્સ ઘટાડે છે.

બટેટા ખાવાની હેલ્થી રીત
ડાયટમાં બાફેલા બટેટાનો સમાવેશ કરી શકે છે. બટેટાને બાફ્યા પછી સંપૂર્ણ ઠંડા થવા દો. પછી તેના ટુકડા કરી લો. બાફેલા બટેટાનો સ્વાદ વધારવા માટે તેમાં કાળા મરી ઉમેરો. બટેટાને દહીં કે છાશમાં મિક્સ કરીને નાસ્તામાં કે બપોરના ભોજનમાં ખાવાથી ફાયદો થશે. બાફેલા બટેટાના સેવનથી વજનને નિયંત્રિત કરવામાં મદદ મળે છે.

બાફેલા બટેટા ઓવર ઈટિંગથી બચાવશે 
બાફેલ બટેટા ખાવાથી તમને વારંવાર ભૂખ લાગતી નથી. બાફેલા ઠંડા બટાટા મોટા પ્રમાણમાં રસિસ્ટાન્સ સ્ટાર્ચ ઉત્પન્ન કરે છે. તે મેટાબોલિજ્મને વધારવામાં મદદ કરે છે અને શરીરની વધારાની ચરબી ઘટાડે છે. બાફેલા બટેટામાં શક્કરિયા જેટલી જ કેલરી હોય છે.

પોષક તત્વોની માત્રા
બટેટામાં ઘણા બધા પોષક તત્વો હોય છે. તેમાં ચરબી, સોડિયમ કે કોલેસ્ટ્રોલ હોતું નથી. વિટામિન બી6, ફાઇબર, મેગ્નેશિયમ અને એન્ટિઓક્સિડેન્ટ્સની સારી માત્રા હોય છે. બટેટામાં પોટેશિયમની માત્રા કેળા કરતા વધારે હોય છે. સાથે જ તેમાં વિટામિન સીની દૈનિક જરૂરિયાતનો અડધો ભાગ હોય છે. બટેટા ફ્રી રેડિકલ્સ સામે લડે છે, જે હૃદયરોગ, ડાયાબિટીસ અને કેન્સર જેવા રોગોનું જોખમ ઘટાડે છે.

બટેટાને હમેંશા છાલ સાથે રાંધો
છાલ સાથે રાંધેલ બટેટામાં સારી માત્રામાં પોષક તત્વો હોય છે. તેને ખાવા તમારા માટે ફાયદાકારક રહેશે. બટેટાને હંમેશાં છાલ સાથે ઉકાળો અને છાલ કાઢ્યા વિના નહીં. જો તમે બટેટાને છોલીને ઉકાળો છો, તો તે બટેટામાં વિટામિન સી અને બી જેવા પોષક તત્વોને ઘટાડે છે. બટાકાને બાફવા માટે ઓછા પાણીનો ઉપયોગ કરો.

આ વસ્તુઓ સાથે ખાવાનું ટાળો
બટાકાની સાથે ઘી, તેલ, માખણ, ક્રીમ, પનીર અને કૃત્રિમ ફ્લેવરનો વધુ પડતો ઉપયોગ ન કરો. બટાટા રાંધવા માટે ઓલિવ તેલ જેવા તંદુરસ્ત તેલનો ઉપયોગ કરો.