જમ્મૂ-કાશ્મીર / કલમ 370 હટાવ્યાં બાદ પહેલી વાર સોમવારથી મોબાઇલ પોસ્ટપેડ સેવા શરૂ થશે

• ઓગસ્ટથી ચાલુ કરાઇ મોબાઇ સેવા પરનો પ્રતિબંધ દૂર કરાયો
• લોકોની સુરક્ષાને ધ્યાનમાં લઇને લેવાયો હતો નિર્ણય
• મોબાઇલ ફોનની સેવા 14 ઓક્ટોબરથી શરૂ કરવામાં આવશે

મુખ્ય સચિવે મોબાઇલ સેવા શરૂ કરવાની કરી જાહેરાત

ઓગસ્ટ મહિનાથી મોબાઇલ સેવા પર લગાવામાં આવેલો પ્રતિબંધ સોમવારથી હટાવી દેવા અંગેની જાહેરાત મુખ્ય સચિવ રોહિત કંસલે કરી. મુખ્ય સચિવે કહ્યું કે લશ્કર-એ-તૈયબા જેવા પ્રતિબંધિત સંગઠન ઘાટીમાં આતંક ફેલાવવાનો પ્રયત્ન કરી રહ્યું છે. જેને લઇને ઘાટીમાં લોકોની સુરક્ષાને ધ્યાનમાં રાખી પ્રતિબંધ લગવામાં આવ્યો હતો. 

મોબાઇલ સેવા પુનઃ સ્થાપિત કરવાથી શું શું થશે ફાયદા

જમ્મૂ-કાશ્મીરમાં પરિસ્થિતિ સામાન્ય થયા બાદ અહી બાકી રહેલા ક્ષેત્રોમાં મોબાઇલ ફોન સેવા ફરી શરૂ કરાવનો નિર્ણય લેવામાં આવ્યો છે. જેમાં બધા પોસ્ટપેડ મોબાઇલ ફોનની સેવા આગામી 14 ઓક્ટોબર સોમવારે બપોરે 12 કલાકથી શરૂ કરવામાં આવશે. 

આ આદેશ કાશ્મીર પ્રાંતના 10 જિલ્લામાં લાગુ થશે. આ પગલાતી પર્યટકોને મુસાફરી દરમિયાન ફોનની કનેક્ટિવિટી મળશે. વિદ્યાર્થીઓ સ્કૂલ ગયા બાદ માતા-પિતાના સંપર્કમાં રહી શકશે. જ્યારે વેપારીઓ ગ્રાહકો સાથે સંપર્ક કરી શકશે. સરકારે વેપારીઓ, ઉદ્યોગપતિઓ, ટ્રાન્સફોર્ટરો, દુકાનદારો, હોટલ વેપારીઓને આતંકવાદીઓ અને અલગાવવાદિના ભયથી નહી ડરવા તેમજ પોતાનુ કામકાજ સામાન્ય રીતે ચાલુ કરવાનો આગ્રહ કર્યો છે.