લખીમપુર ખીરી ઘટના બાદ રાજકારણ ગરમ છે. હવે આ મુદ્દે મૃતકોના પોસ્ટમોર્ટમ રિપોર્ટ્સ પણ આવી ગયા છે.
રવિવારે લખીમપુર ખીરીમાં રવિવારે થયેલ હિંસામાં 8 લોકોના મોત થયા હતા. આ તમામનું સોમવારે પોસ્ટમોર્ટમ કરવામાં આવ્યું હતું. પોસ્ટ મોર્ટમમાં ખુલાસો થયો હતો કે મૃત્યુ લાઠી-દંડા અને માર મારવાના કારણે જ થયા હતા. પોસ્ટમોર્ટમ રિપોર્ટ્સમાં ગોળી મરવાની કોઈ ઘટનાના કારણે મૃત્યુ થયું હોવાનું બહાર નથી આવ્યું.
ઉત્તરપ્રદેશનાં લખીમપૂર ખીરીમાં રવિવારે ખેડૂતોના વિરોધ પ્રદર્શન દરમિયાન થયેલી હિંસામાં 8 લોકોનાં મૃત્યુ થયા હતા.
મૃતકોમાં 4 ખેડૂતો, 3 ભાજપ કાર્યકર્તા અને એક ભાજપના નેતાના ડ્રાઈવરનો સમાવેશ થાય છે.
પોસ્ટ મોર્ટમ રિપોર્ટમાં મૃત્યુના કારણ સામે આવ્યા
1) લવપ્રિત સિંહ (ખેડૂત)
- ઘસડાવથી મોત, શોક એન્ડ હિમોરેજ
2) ગુરવિન્દર સિંહ (ખેડૂત)
- ધારદાર અને અણીદાર વસ્તુથી મોત, શોક એન્ડ હિમોરેજ
3) દલજીત સિંહ (ખેડૂત)
- શરીર પર ઘસડાવાના નિશાન
4) છત્ર સિંહ (ખેડૂત)
- શોક એન્ડ હિમોરેજ , ઘસડાવાથી મોત
5) શુભમ મિશ્ર (ભાજપ નેતા)
- લાઠી અને દંડાથી મોત, માર માર્યાના નિશાન
6) હરિઓમ મિશ્ર (અજય મિશ્રાના ડ્રાઈવર)
- લાઠી અને દંડાથી મોત, માર માર્યાના નિશાન, શોક એન્ડ હિમોરેજ
7) શ્યામ સુંદર (ભાજપ કાર્યકર્તા)
- શરીર પર માર માર્યાના ગંભીર નિશાન
8) રમણ કશ્યપ (પત્રકાર)
- શોક એન્ડ હિમોરેજ, મારના ગંભીર નિશાન
મિટિંગ બાદ મૃતકોના પરિવારને સહાયનો નિર્ણય
1) 45 લાખની સહાય
2) સરકારી નોકરી
3) હિંસાની ન્યાયિક તપાસ
4) ઘાયલોને 10 લાખ રૂપિયા
લખીમપુર ખીરી હિંસામાં 24 લોકોની ઓળખ કરાઈ
યુપીને લખીમપુર ખીરીમાં રવિવારે સાંજે ખેડૂતો અને કેન્દ્રીય ગૃહ રાજ્યમંત્રી અજય મિશ્રા ટેનીના દીકરા આશિષ મિશ્રાના સમર્થકોની વચ્ચે હિંસક અથડામણની તપાસ એટીએફ કરશે. મળતી જાણકારી મુજબ એટીએફ સોમવારે સાંજથી જ તપાસ પોતાના હાથમાં લઈ લેવામાં આવશે. બીજી તરફ પોલીસે હિંસા બાદ વાયરલ વીડિયોથી 24 લોકોની ઓળખ કરી છે. સાથે પોલીસે 7 લોકોની ધરપકડ કરી પુછપરછ હાથ ધરી છે.
લખીમપુર ખીરી હિંસાનો ઘટનાક્રમ
લખીમપુર ખીરીમાં DyCM કેશવ પ્રસાદનો કાર્યક્રમ હતો
2 ઓક્ટોબરે DyCM કેશવ પ્રસાદનો લખીમપુર જવાનો કાર્યક્રમ નક્કી હતો
કેન્દ્રીય ગૃહ રાજ્યમંત્રી અજય મિશ્રાના પૈતૃક ગામ બનવીરપુરમાં દંગલ
પ્રતિયોગિતાનો શુભારંભ કરવાના હતા
ખેડૂતોને કાર્યક્રમની જાણ થતા તેઓએ વિરોધ કરવાનો નિર્ણય લીધો હતો
અજય મિશ્રાના બનવીરપુર ગામથી 4 કિલોમીટર દૂર મહારાજા અગ્રસેન ઇન્ટર
કોલેજમાં DyCMના હેલિકોપ્ટરનું હેલિપેડ બનાવાયું હતું
26 સપ્ટેમ્બરે ખેડૂતોના વિરોધમાં અજય મિશ્રાએ વિવાદીત નિવેદન પણ આપ્યું
હતું
કેન્દ્રીય ગૃહરાજ્ય મંત્રી અજય મિશ્રાના વિવાદીત નિવેદનને લઇને પણ
ખેડૂતોમાં રોષ હતો
અજય મિશ્રાના વિવાદીત નિવેદનને લઇ ખેડૂતો સવારના 6 વાગ્યાથી જ
હેલિપેડ પાસે એકઠા થઇ ગયા હતા
સવારના 8 વાગ્યા સુધી 5 હજાર જેટલા ખેડૂતો ટ્રેક્ટર-ટ્રોલી અને હાથમાં કાળો
ઝંડો લઇ હેલીપેડ પર કબજો કરી લીધો હતો
ખેડૂતોને પોલીસે સમજાવ્યા પરંતુ ખેડૂતો ન માન્યા
ખેડૂતોએ કહ્યું,''મંત્રીએ અમને પડકાર આપ્યો છે કે તેઓ અમને સુધારી દેશે''
ખેડૂતોએ કહ્યું,''અમે પણ જોવા માગીએ છીએ કે મંત્રી અમને કેવી રીતે સુધારશે''
ખેડૂતોએ કાર્યક્રમના વિરોધની પહેલા જ જાહેરાત કરી દીધી હતી
લોકલ ઇન્ટેલિજન્સ યૂનિટ ઘણું સક્રિય હતું
હિંસાના 15 કલાક પહેલા DyCM કેશવ પ્રસાદનો કાર્યક્રમ પણ બદલી દેવાયો
હતો
કેશવ પ્રસાદને હેલિકોપ્ટરની જગ્યાએ રોડમાર્ગેથી જવા કહેવાયું હતું
કાર્યક્રમના 8 કલાક પહેલા ફરી લોકલ ઇન્ટેલિજન્સ યૂનિટે અલર્ટ આપ્યું
લોકલ ઇન્ટેલિજન્સ યૂનિટે ગૃહ રાજ્યમંત્રી અજય મિશ્રાને બનવીરપુર ગામ જવા ના પાડી
ગૃહ રાજ્યમંત્રીએ લોકલ ઇન્ટેલિજન્સની વાતને ન માની
કાર્યક્રમ પૂર્ણ કર્યા બાદ કેન્દ્રીય મંત્રી અજય મિશ્રાએ ચેતવણીને નજરઅંદાજ કરી
કેન્દ્રીય મંત્રીએ ચેતવણીને નજરઅંદાજ કરી અને 40થી વધુ કારના કાફલાઓ સાથે બનવીરપુર ગામ માટે નીકળ્યા
ખેડૂતોનો વિરોધ પ્રદર્શન જોતા કેન્દ્રીય મંત્રી અજય મિશ્રાનો રૂટ પણ બદલી દેવાયો
બપોરે 40થી વધુ કારનો કાફલો તિકોનિયા પહોંચ્યો હતો
તિકોનિયા બનવીરપુર ગામથી અંદાજે 4 કિલોમીટર દૂર છે જ્યાં ખેડૂતોએ હેલિપેડ પર કબજો કર્યો હતો
કારનો કાફલો તિકોનિયા પહોંચ્યો તો ત્યાં 20 હજાર ખેડૂતો વિરોધ કરી રહ્યા હતા
કેન્દ્રીય ગૃહ રાજ્યમંત્રી અજય મિશ્રા તિકોનિયા પાસે પહોંચ્યા અને વિવાદ થયો
અજય મિશ્રાના દીકરા પર આશીષ પર આરોપ છે કે તેણે ખેડૂતો પર કાર ચઢાવી દીધી
ખેડૂતોને આ અંગે જાણ થતા હિંસા વધુ ભડકી હતી અને ખેડૂતો રોષે ભરાયા હતા
ઉત્તર પ્રદેશના લખીમપુર ખીરીમાં ખેડૂતો અને ભાજપ કાર્યકર્તાઓની વચ્ચે લોહીયાળ અથડામણ બાદ રાજનીતિ ગરમાઈ છે. યૂપી સહિત દિલ્હીથી તમામ પાર્ટીના નેતા સ્થળ પર પહોંચવા લાગ્યા છે. કેન્દ્રીય ગૃહ રાજ્ય મંત્રી અજય મિશ્રા ટેનીના દીકરા આશિષ મિશ્રા પર આરોપ લાગ્યો છે કે તેમણે પોતાની ગાડીથી ખેડૂતોને કચડી નાંખ્યા છે. જોકે પ્રશાસને તેમની અટકાયત કરી નથી. ત્યારે સીએમ યોગીએ દુઃખ વ્યક્ત કરતા તેની તપાસના આદેશ આપ્યા હતા.
આની પહેલા સમગ્ર મામલામાં પોલીસે કેન્દ્રીય ગૃહ રાજ્ય મંત્રી અજય મિશ્રા ટેનીના દીકરા આશીષ મિશ્રા સહિત 14 લોકોની વિરુધ્ધ હત્યા, ગુનાહિત ષડયંત્ર અને બળવા સહિત અનેક કલમ હેઠળ ગુનો નોંધવામાં આવ્યો છે. જો કે તમામની આ મામલામાં કોઈ ધરપકડ કરવામાં આવી નથી. બીજી તરફ લખીમપુર જિલ્લા પ્રશાસન અને ખેડૂતોની વચ્ચે બેઠકનો દોર ચાલુ છે. ખેડૂતોની માંગ છે કે અજય મિશ્રાને મંત્રી પદ પરથી હટાવવામાં આવે. તેમના દીકરા આશિષની ધરપકડ કરવામાં આવે. આ ઉપરાંત મૃતકોને 1-1 કરોડનું વળતર અને પરિવારના સભ્યને સરકારી નોકરી આપવામાં આવે.
