હિમાચલ પ્રદેશની ચુંટણીમાં કોંગ્રેસ તરફથી પ્રિયંકા ગાંધી તો બીજેપી તરફથી જે.પી. નડ્ડા અને યોગી આદિત્યનાથ પણ જોરદાર પ્રચાર કરી રહ્યા છે.
હિમાચલ પ્રદેશની ચુંટણીમાં કોંગ્રેસ તરફથી પ્રિયંકા ગાંધી વાડ્રા જોરશોરથી પ્રચાર કરી રહી છે
બીજેપી તરફથી જે.પી. નડ્ડા અને યોગી આદિત્યનાથ પણ જોરદાર પ્રચાર કરી રહ્યા
કોંગ્રેસના પ્રચારમાં ચૂંટણી સૂત્ર લખ્યું હતું - "ક્યૂંકી આ રહી હૈ કોંગ્રેસ..."
હિમાચલ પ્રદેશમાં વિધાનસભા ચૂંટણી સરગર્મી ગણી વધી ગઈ છે અને એ માટે હાલ વર્તમાન વિપક્ષ કોંગ્રેસ પણ જોરશોરથી પ્રચાર કરી રહી છે. જણાવી દઈએ કે આ પ્રચારના નેતૃત્વની કમાન મહાસચિવ પ્રિયંકા ગાંધી વાડ્રા એ સંભાળી છે. હાલ પ્રવર્તમાન સતા ભારતીય જનતા પાર્ટી (BJP) તરફથી પણ પાર્ટી અધ્યક્ષ જે.પી. નડ્ડા સિવાય ઉત્તર પ્રદેશના મુખ્યમંત્રી યોગી આદિત્યનાથ પણ જોરદાર પ્રચાર કરી રહ્યા છે.
પહાડી રાજ્યમાં રેલીઓ અને ભાષણો વચ્ચે પોસ્ટર વોર પણ ખૂબ ચાલી રહ્યું છે. રાજધાની શિમલામાં ધ મોલની નજીક એક બિલ્ડિંગની પાર્કિંગ દીવાલ પર કોંગ્રેસે એક પોસ્ટર લગાવ્યું હતું અને એ પોસ્ટરમાં એમને તેમનું ચૂંટણી સૂત્ર લખ્યું હતું - "ક્યૂંકી આ રહી હૈ કોંગ્રેસ..." કોંગ્રેસે રાજ્યમાં ઘણી જગ્યા પર આ ચુંટણી સૂત્રના મોટા મોટા હોર્ડિંગ્સ લગાવી રાખ્યા છે.
પણ થોડા સમય બાદ આ પાર્કિંગની દિવાલ પર કોંગ્રેસના પોસ્ટરની આજુ-બાજુમાં કેટલાક લોકોએ બે નવા પોસ્ટર લગાવી દીધા હહતા. એ બીજા લગાવેલ પોસ્ટર દ્વારા કોંગ્રેસના સૂત્રોચ્ચારની મજાક બનાવવામાં આવી હતી. જણાવી દઈએ કે કૉંગ્રેસના પોસ્ટર પાસે પહેલા લગાવેલ પોસ્ટર પર લખ્યું હતું કે, ' શપથ કા સપના તૂટેગા..' અને કૉંગ્રેસના પોસ્ટરની પાછળ લગાવેલ પોસ્ટરમાં લખ્યું હતું કે, "ફીર સે વિપક્ષ મેં.." આ બે નવા પોસ્ટરને કારણે કૉંગ્રેસના મૂળ પોસ્ટર પર લખાણ એવું થઈ ગયું હતું કે કોંગ્રેસનો મજાક બનાવવામાં આવ્યો હોય. બે પોસ્ટર પછી કંઈક આવું વંચાતું હતું કે , "શપથ કા સપના તૂટેગા, ક્યૂંકી આ રહી હૈ કોંગ્રેસ, ફીર સે વિપક્ષ મેં..." જે લોકો એ આ પોસ્ટર લગાવ્યા હતા એ કહેવા માંગતા હતા કે કોંગ્રેસ ફરી એકવાર ચૂંટણી હારી જશે, અને વિપક્ષમાં જ બેસશે.
જણાવી દઈએ કે હિમાચલ પ્રદેશમાં બીજેપી સતત બીજી જીત મેળવીને રેકોર્ડ બનાવવાનો પ્રયાસ કરી રહી છે પણ આ સામે કોંગ્રેસનું કહેવું છે કે' મુખ્યમંત્રી જયરામ ઠાકુર અને બીજેપી કામ કરવામાં નિષ્ફળ જવાથી જનતા તેમનાથી નારાજ છે અને લોકો એ આ વખતે સરકાર બદલવાનું મન બનાવી લીધું છે. ' આ સાથે જ ત્રીજા પક્ષ તરીકે આમ આદમી પાર્ટી પણ હિમાચલ પ્રદેશમાં પૂરા પ્રયાસો કરી રહી છે. જણાવી દઈએ કે રાજ્યની 68 વિધાનસભા બેઠકો પર 12 નવેમ્બરે મતદાન થવાનું છે અને 8 ડિસેમ્બરે ચૂંટણી પરિણામો જાહેર કરવામાં આવશે.