કોરોના વેક્સિન લગાવ્યા બાદ માથામાં દુખાવો, તાવ, બોડી પેઈન અને થાક લાગે છે.
વેક્સિન લગાવ્યા બાદ 2 3 દિવસ સુધી રહે છે સાઈડ ઈફેક્ટ્સ
વેક્સિનના સાઈડ ઈફેક્ટ્સને દૂર કરવા માટે અપનાવો આ ટિપ્સ
ભોજનમાં ફેરફાર કરીને સાઈડ ઈફેક્ટને ઓછા કરી શકાય
દેશભરમાં કોરોના વેક્સિનેશન ખૂબ જ ઝડપથી કરવામાં આવી રહ્યું છે. વેક્સિન લગાવ્યા બાદ 2-3 દિવસ સુધી માથાનો દુખાવો, તાવ, બોડી પેઈન, થાક જેવા સાઈડ ઈફેક્ટ્સ થાય છે. એક્સપર્ટ્સના જણાવ્યા અનુસાપ આ સાઈડ ઈફેક્ટને ભોજનમાં ફેરફાર કરીને ઓછા કરી શકાય છે. તાની સાથે જ ઈમ્યૂનિટી પણ મજબૂત થાય છે. આ વસ્તુઓ ખાવાથી તમે જલ્દી જ સાજા થઈને ડેલી રૂટીનમાં પરત ફરી શકો છો.
હળદળ
હળદળમાં એન્ટી બેક્ટીરિયલ, એન્ટી ઈન્ફ્લેમેટરી, એન્ટી ફંગલ અને એન્ટી વાયરલ ગુણ હોય છે. આ આપણી ઈમ્યૂનિટી સિસ્ટમને મજબૂત કરવાનું કામ કરે છે. હળદળમાં કર્કક્યૂમિન અને એન્સેશિયલ ઓઈલના બાયોએક્ટિવ હોય છે જે શરીરમાં થેરાપ્યુટિક ડ્રગની જેમ કામ કરે છે.
આદુ
આદુ એક એવો મસાલો છે જેનો ઉપયોગ અલગ અલગ વસ્તુઓમાં કરવામાં આવે છે. તેમાં ઘણા પ્રકારના ઔષધીય ગુણ હોય છે. જે સ્વાસ્થ્ય માટે ખૂબ ફાયદાકારક છે. આદુમાં ઘણા પ્રકારના એમિનો એસિડ અને એન્ઝાઈમ્સ હોય છે જે શરૂરના સોજાને ઓછું કરવાનું કામ કરીને મગજને શાંત રાખવામાં મદદ કરે છે. તમે તેનો ઉપયોગ ચામાં કરી શકો છો. જેનાથી તમને આરામ મળશે.
લીલા શાકભાજી ખાઓ
લીલા શાકભાજી ડાયટરી ફાઈબર, વિટામિન-સી, પ્રોવિટામિન એ, કેરિટનોઈડ, ફોલેટ, મેગ્નીઝ સહિત અન્ય વસ્તુઓ હોય છે. આ દરેક પોષ્ટિક વસ્તુઓ મેટાબોલિઝમને વધારવામાં મદદ કરે છે. આ વસ્તુઓને ખાવાથી થાક છો લાગે છે. વેક્સિનના સાઈડ ઈફેક્ટને ઓછો કરવા માટે તે સારો ઓપ્શન છે.
પાણીથી ભરપૂર વસ્તુઓ ખાઓ
ડાયેટમાં એવી વસ્તુઓ સામેલ કરવી જોઈએ જેમાં પાણીની માત્રા વધારે હોય. આ વસ્તુઓ ખાવાથી શરીર સંપૂર્ણ રીતે હાઈડ્રોટેડ રહે છે. આ ઉપરાંત શરીરનું તાપમાન સામાન્ય રાખવામાં મદદ મળે છે. પાણીથી ભરપુર વસ્તુઓ તમને રિફ્રેશ અને શાંત રાખે છે. વેક્સિનેશન બાદ ભોજનમાં સંતરા, તડબૂચ વગેરે જેવી વસ્તુઓ શામેલ કરવી જોઈએ.