જો તમે પણ બચત કરવા માટે કોઈ સારી સ્કીમ વિશે વિચારી રહ્યા છો તો અમે તમને આરડી વિશે જણાવવા જઈ રહ્યા છીએ.
બચત માટે RD એક બેસ્ટ ઓપ્શન
SBI કે પોસ્ટ ઓફિસ શેમાં બચત છે બેસ્ટ?
જાણો તેના વિશે સંપૂર્ણ માહિતી
જો તમે પણ બચત કરવા માટે કોઈ સારી સ્કીમની શોધમાં છો તો આજે અમે તમને RD વિશે જણાવીશું કે તમે પોસ્ટ ઓફિસ અથવા સ્ટેટ બેન્ક કઈ RD પર સારૂ વ્યાજ મેળવી શકો છો. આજના સમયમાં બચત કરવા માટે આરડી એક બેસ્ટ ઓપ્શન માનવામાં આવે છે. આરડીમાં સારા વ્યાજની સાથે સાથે પૈસાની ગેરેન્ટી પણ મળે છે.
જાણો ક્યાં મળશે વધારે ફાયદો?
RDમાં ખાતાધારકોને નક્કી કરેલા હપ્તામાં પૈસા જમા કરાવવાના હોય છે અને મેચ્યોરિટી પર તમને પૈસા અને વ્યાજનો ફાયદો મળે છે. જણાવી દઈએ કે કોઈ પણ આરડી ખાતામાં એક વખત નક્કી કરવામાં આવેલો હપ્તાની રકમને ન બદલી શકાય. તમે પોસ્ટ ઓફિસ અથવા કોઈ બેન્ક ક્યાંય પણ આરડી ઓપન કરાવી શકો છો. આજે અમે તમને જણાવવા જઈ રહ્યા છે કે તમારે પોસ્ટ ઓફિસની આરડીમાં વધારે ફાયદો મળશે કે સ્ટેટ બેન્કની આરડીમાં.
પોસ્ટ ઓફિસ આરડી
પોસ્ટ ઓફિસમાં તમે 100 રૂપિયાથી આરડીમાં શરૂઆત કરી શકો છો. તેમાં પૈસા જમા કરવાની કોઈ મર્યાદા નથી હોતી. જો તમારૂ ખાતુ મહિનાની શરૂઆતમાં 15 દિવસની અંદર ખુલે છે તો તમારે દર મહિનાની 15 તારીખ સુધી તેમાં રૂપિયા જમા કરાવવાના રહેશે. ત્યાંજ જો તમારા ખાતાને મહિનાના શરૂઆતી 15 દિવસ બાદ ખોલવામાં આવે છે તો તમને તેમાં મહિનાની છેલ્લી તારીખથી પહેલા ખાતામાં રૂપિયા જમા કરાવવાના રહેશે. પોસ્ટ ઓફિસ RD યોજનામાં લોન પણ મળી શકે છે અને આ સમય પર 5.8 ટકાના દરથી વ્યાજનો ફાયદો પણ મળે છે.
સ્ટેટ બેન્ક RD
જો તમે સ્ટેટ બેન્કમાં આરડી ખાતુ ઓપન કરાવો છો તો સામાન્ય જનતાને 5 ટકા વ્યાજનો ફાયદો મળશે. ત્યાં જ સીનિયર સીટિઝન્સને 5.4 ટકાનું વ્યાજદર મળશે. આ વ્યાજના દર 8 જાન્યુઆરી 2021થી લાગુ થશે. સ્ટેટ બેન્કમાં તમે 1 વર્ષથી લઈને 10 વર્ષ સુધી RD ઓપન કરી શકો છો.