પોસ્ટ ઓફિસના ગ્રાહકો માટે કામની વાત છે. જો તમારું ખાતુ પણ પોસ્ટ ઓફિસમાં છે તો જાણી લો કે બેંક તમને મોટી સુવિધા આપી રહ્યું છે.
પોસ્ટ ઓફિસના ગ્રાહકો માટે કામની વાત
ખાતાધારકોને મળવા લાગી આ મોટી સુવિધા
ગ્રાહક ઈલેક્ટ્રોનિક ફંડ ટ્રાન્સફર પણ કરી શકે છે
પોસ્ટ ઓફિસમાં નવો નિયમ લાગુ કર્યો
પોસ્ટ ઓફિસ તમને મોટી સુવિધા આપી રહ્યું છે. પોસ્ટ ઓફિસમાં નવો નિયમ લાગુ કરી દીધો છે. જે હેઠળ હવે પોસ્ટ ઓફિસમાં એકાઉન્ટ રાખતા ગ્રાહક ઈલેક્ટ્રોનિક ફંડ ટ્રાન્સફર પણ કરી શકે છે. વિભાગ તરફથી આ જાણકારી આપવામાં આવી છે કે પોસ્ટ ઓફિસ તરફથી NEFT અને RTGSની સુવિધા શરૂ કરી દેવામાં આવી છે.
ગ્રાહકોને મળશે NEFTની સુવિધા
પોસ્ટ ઓફિસ તરફથી આપવામાં આવેલી જાણકારી મુજબ, પોસ્ટ ઓફિસમાં 18 મેથી NEFTની સુવિધા શરૂ થઇ ગઇ છે, જ્યારે 31મેથી RTGSની સુવિધા પણ મળવા લાગી છે. એટલેકે હવે પોસ્ટ ઓફિસના ગ્રાહકોને પૈસા મોકલવામાં સુવિધા મળશે. આ સાથે અન્ય બેંકોની જેેમ વધુ યુઝર ફ્રેન્ડલી બની રહ્યાં છે. એટલું જ નહીં, તમારા માટે આ સુવિધા 24×7×365 રહેશે.
NEFT અને RTGSથી પૈસા મોકલવા છે સરળ
મહત્વનું છે કે બધી બેંક NEFT અને RTGSની સુવિધા આપે છે અને હવે પોસ્ટ ઓફિસ પણ આ સુવિધા આપી રહ્યું છે. NEFT અને RTGSના માધ્યમથી બીજા ખાતામાં પૈસા મોકલવા ખૂબ સરળ હોય છે. જેનાથી તમે તરત પૈસા ટ્રાન્સફર કરી શકો છો. ખરેખર આ ઈલેક્ટ્રોનિકલી ફંડ ટ્રાન્સફર કરી શકે છે. જેના માટે પણ નિયમ અને શરતો છે. NEFTમાં પૈસા ટ્રાન્સફર કરવાની કોઈ લિમિટ હોતી નથી. જ્યારે RTGSમાં તમારે એક વખતમાં ઓછામાં ઓછા બે લાખ રૂપિયા મોકલવાના હોય છે.