લાંબા ગાળાના રોકાણ માટે પબ્લિક પ્રોવિડન્ટ ફંડ એક સારો વિકલ્પ છે, જેમાં તમને ખૂબ જ સારું વળતર મળે છે.
PPF રોકાણ કરીને બની શકો છો કરોડપતિ
લાંબા ગાળાના રોકાણ માટે PPF એક સારો વિકલ્પ
હાલ પીપીએફ એકાઉન્ટ પર વાર્ષિક 7.1 ટકા વ્યાજ
જો તમે પણ કરોડપતિ બનવા માંગો છો, તો હવે તમારો સમય આવી ગયો છે. કરોડપતિ બનવા માટે આજથી જ રોકાણ શરૂ કરી દો. આ માટે તમારે વધારે રોકાણ કરવાની જરૂર નથી, પરંતુ માત્ર થોડા રૂપિયા જ દર મહિને પબ્લિક પ્રોવિડન્ટ ફંડમાં રોકાણ કરવું પડે છે. જો તમે અહીં જણાવેલી રીતે રોકાણ કરતા રહેશો, તો નિવૃત્તિ પહેલાં તમે કરોડપતિ બની જશો.
લાંબા ગાળાનું રોકાણ
લાંબા ગાળાના રોકાણ માટે પબ્લિક પ્રોવિડન્ટ ફંડ એક સારો વિકલ્પ છે, જેમાં તમને ખૂબ જ સારું વળતર મળે છે. પીપીએફમાં તમે એક વર્ષમાં 1.5 લાખ રૂપિયા એટલે કે મહીને 12,500 રૂપિયા સુધીનું રોકાણ કરી શકો છો. કરોડપતિ બનવું હોય તો તમારે દર મહિને કેટલું અને કેટલા સમય સુધી રોકાણ કરવું પડશે તે જાણવું પડશે. ચાલો આપને આ 3 રીત જોઈએ જે તમે અનુસરીને કરોડપતિ બની શકો છો.
પીપીએફ પર મળશે 7.1 ટકા વ્યાજ
હાલ સરકાર પીપીએફ એકાઉન્ટ પર વાર્ષિક 7.1 ટકા વ્યાજ ચૂકવે છે. અહી રોકાણ 15 વર્ષ માટે કરવામાં આવે છે. તે મુજબ મહિના માટે 12500 રૂપિયાના રોકાણની કુલ કિંમત 15 વર્ષ પછી 40,68,209 રૂપિયા થશે. કુલ રોકાણ 22.5 લાખ રૂપિયા છે અને વ્યાજ 18,18,209 રૂપિયા છે.
આ રીતે જમા થશે એક કરોડ રૂપિયાનું ફંડ
કેસ નં-1
1. માની લો કે આ સમયે તમારી ઉંમર 30 વર્ષ છે અને તમે પીપીએફ માં રોકાણ કરવાનું શરૂ કરી દીધું છે.
2. 15 વર્ષ સુધી પીપીએફમાં દર મહિને 12500 રૂપિયા જમા કરાવ્યા બાદ તમારી પાસે 40,68,209 રૂપિયા હશે.
3. હવે આ પૈસા ન ઉપાડો, તમે 5-5 વર્ષના ગાળામાં પીપીએફને આગળ વધારતા રહો
4. 15 વર્ષ બાદ વધુ 5 વર્ષ માટે રોકાણ કરતા રહો એટલે કે 20 વર્ષ બાદ આ રકમ થશે - 66,58,288 રૂપિયા
5. જ્યારે 20 વર્ષ થાય, ત્યારે આગામી 5 વર્ષ માટે રોકાણ વધારો, એટલે કે, 25 વર્ષ પછી રકમ હશે - 1,03,08,015 રૂપિયા થઇ જશે.
તો આ રીતે બનશો કરોડપતિ
જો તમે 30 વર્ષની ઉંમરે પીપીએફમાં દર મહિને 12500 રૂપિયાનું રોકાણ કરો છો, તો તમે 25 વર્ષ પછી એટલે કે 55 વર્ષની ઉંમરે કરોડપતિ બની જશો. જણાવી દઈએ કે પીપીએફ ખાતાની પરિપક્વતા 15 વર્ષ છે. જો આ એકાઉન્ટને 15 વર્ષથી વધુ વધારવું હોય તો પાંચ-પાંચ વર્ષ પ્રમાણે આ એકાઉન્ટને વધુ વર્ષો માટે વધારી શકાય છે.
કેસ નંબર- 2
જો તમે 12500 રૂપિયાની જગ્યાએ પીપીએફમાં થોડી ઓછી રકમનું રોકાણ કરવા માંગો છો, પરંતુ 55 વર્ષની ઉંમરે કરોડપતિ બનવા માંગો છો, તો તમારે થોડી વહેલી શરૂઆત કરવી પડશે.
1. ધારો કે તમે 25 વર્ષની ઉંમરે દર મહિને 10,000 રૂપિયા પીપીએફ ખાતામાં નાખવાનું શરૂ કર્યું.
2. 7.1 ટકા મુજબ, 15 વર્ષ પછી તમારી કુલ કિંમત - 32,54,567 રૂપિયા હશે.
3. હવે તેને ફરીથી 5 વર્ષ માટે લંબાવો, પછી 20 વર્ષ પછી કુલ મૂલ્ય - 53,26,631 રૂપિયા થશે.
4. તેને ફરીથી 5 વર્ષ સુધી લંબાવો, 25 વર્ષ પછી કુલ મૂલ્ય - 82,46,412 રૂપિયા થશે.
5. તેને ફરીથી 5 વર્ષ માટે આગળ ધપાવો, એટલે કે, 30 વર્ષ પછી, કુલ મૂલ્ય - 1,23,60,728 રૂપિયા હશે.
તમે 55 વર્ષની ઉંમરે કરોડપતિ બની જશો.
કેસ નંબર 3
પીપીએફમાં 10,000 રૂપિયાની જગ્યાએ મહિને માત્ર 7500 રૂપિયા જમા કરાવો તો પણ તમે 55 વર્ષની ઉંમર સુધીમાં કરોડપતિ બની જશો, પરંતુ તમારે 20 વર્ષની ઉંમરમાં જ રોકાણ શરૂ કરવું પડશે.
1. જો તમે 15 વર્ષ માટે 7.1 ટકા વ્યાજ પર પીપીએફમાં 7500 રૂપિયા જમા કરાવો છો, તો કુલ મૂલ્ય હશે - 24,40,926 રૂપિયા
2. 5 વર્ષ એટલે કે 20 વર્ષ બાદ આ રકમ - 39,94,973 રૂપિયા થશે.
3. આગળ 5 વર્ષ એટલે કે 25 વર્ષ પછી આ રકમ - 61,84,809 રૂપિયા થશે.
4. 5 વર્ષ બાદ એટલે કે 30 વર્ષ બાદ રકમ - 92,70,546 રૂપિયા થશે.
5. વધુ 5 વર્ષ સુધી રોકાણ ચાલુ રાખ્યા બાદ 35 વર્ષ બાદ આ રકમ થશે - 1,36,18,714 રૂપિયા
6. એટલે કે જ્યારે તમે 55 વર્ષના હશો તો તમારી પાસે 1.25 કરોડ રૂપિયાથી વધુ હશે.