જો તમે બેંકમાં સેવિંગ એકાઉન્ટ (બચત ખાતું) ખોલાવવાનો પ્લાન બનાવી રહ્યા હોવ તો પોસ્ટ ઓફિસમાં એકાઉન્ટ ખોલાવી લો. અહીં તમે માત્ર 500 રૂપિયામાં સેવિંગ એકાઉન્ટ ખોલાવી શકો છો. આ એકાઉન્ટમાં માત્ર 500 રૂપિયાનું મિનિમમ બેલેન્સ રાખવાનું હોય છે. આ સેવિંગ અકાઉન્ટ બેંક એકાઉન્ટના સેવિંગ એકાઉન્ટ જેવું જ હોય છે. પોસ્ટ ઓફિસમાં તમને ATM અને ચેકબુકની સુવિધા પણ મળે છે. આ એકાઉન્ટમાં અનેક બેંકોની સરખામણીએ વધુ વ્યાજ મળે છે.
પોસ્ટ ઓફિસમાં માત્ર 500 રૂપિયામાં સેવિંગ એકાઉન્ટ ખોલાવી શકો છો
આ સેવિંગ એકાઉન્ટ બેંક એકાઉન્ટના સેવિંગ અકાઉન્ટ જેવું જ છે
આમાં પૈસા ડૂબી જવાનો ડર રહેતો નથી
પોસ્ટ ઓફિસમાં 10,000 રૂપિયા સુધીનું વ્યાજ હોય છે ટેક્સ ફ્રી
આ સેવિંગ અકાઉન્ટ હેઠળ તમને 4 ટકાના દરે વાર્ષિક વ્યાજ મળે છે અને 10,000 રૂપિયા સુધીનું વ્યાજ સંપૂર્ણ રીતે ટેક્સ ફ્રી હોય છે. આ ખાતું ખોલાવવા પર તમને ચેકબુકની સુવિધા મળે છે. બચત ખાતાને ચાલુ રાખવા માટે 3 નાણાકીય વર્ષમાં ઓછામાં ઓછું એક ટ્રાન્ઝેક્શન થવું જરૂરી છે. પોસ્ટ ઓફિસ કેન્દ્ર સરકારની અંડરમાં કામ કરે છે. જેથી તમારા પૈસા ડૂબી જવાનો ડર રહેતો નથી.
આ રીતે પોસ્ટ ઓફિસમાં ખોલાવો સેવિંગ એકાઉન્ટ
પોસ્ટ ઓફિસમાં સેવિંગ એકાઉન્ટ ખોલાવવા માટે એક ફોર્મ ભરવાનું હોય છે. આ ફોર્મ પોસ્ટ ઓફિસ સિવાય પોસ્ટ ઓફિસની ઓફિશિયલ વેબસાઈટ પરથી પણ ડાઉનલોડ કરી શકાય છે. આ ઉપરાંત, KYC પણ જરૂરી છે. ફોર્મ ભરીને પોસ્ટ ઓફિસમાં જમા કરાવવાનું હોય છે. ત્યારબાદ પોસ્ટ ઓફિસ તમારું સેવિંગ એકાઉન્ટ ખોલી દેશે.
આ ડોક્યૂમેન્ટ્સની જરૂર પડશે
પોસ્ટ ઓફિસમાં એકાઉન્ટ ખોલાવવા આઈડી પ્રૂફમાં વોટર કાર્ડ, આધાર કાર્ડ, રેશન કાર્ડ, પાસપોર્ટ, ડ્રાઈવિંગ લાયસન્સ વગેરે આપી શકાય છે. એડ્રેસ પ્રૂફમાં બેંક પાસબુક, પાસપોર્ટ, રેશન કાર્ડ, વીજળી બિલ, ફોન બિલ, આધારકાર્ડ હોવો જોઈએ. આ સાથે લેટેસ્ટ પાસપોર્ટ સાઈઝનો ફોટો પણ આપવાનો રહેશે. આ એકાઉન્ટ સંબંધિત વધુ જાણકારી મેળવવા અહીં ક્લિક કરો.