સુરક્ષિત યોજના / પોસ્ટ ઓફિસની માલામાલ સ્કીમ! 100 રૂપિયાથી શરૂ કરો રોકાણ અને મેળવો લાખો રૂપિયા, જાણો વિગત

• તમારે સારુ રિટર્ન મેળવવુ છે તો પોસ્ટ ઓફિસની આ યોજનામાં કરો રોકાણ
• આ યોજનામાં રૂપિયા મુકી સારો નફો કમાઈ શકશો
• આ યોજનામાં તમારા રૂપિયા રહેશે સુરક્ષિત અને કોઈ રિસ્ક પણ નથી

પોસ્ટ ઓફિસની આ યોજનામાં તમારા નાણાં રહેશે સુરક્ષિત 

પોસ્ટ ઓફિસની આ સ્કીમ માર્કેટ સાથે જોડાયેલી હોતી નથી. જેને પગલે તેમાં રિટર્નને લઇ કોઈ રીસ્ક હોતુ નથી. આ રીતે અહીં તમારા પૈસા સંપૂર્ણ રીતે સુરક્ષિત રહે છે અને એક નિશ્ચિત રિટર્ન પણ મળે છે. અહીં અમે પોસ્ટ ઓફિસના રિકરિંગ ડિપોઝીટ એકાઉન્ટ એટલેકે આરડી ખાતા અંગે વાતચીત કરી રહ્યાં છે. પોસ્ટ ઓફિસની બચત યોજનાઓ રિકરિંગ ડિપોઝીટ એકાઉન્ટ ખૂબ જ પોપ્યુલર યોજના છે. આ યોજના પર વાર્ષિક 5.8 ટકાના દરે વ્યાજ મળે છે. રિકરિંગ ડિપોઝીટ એકાઉન્ટ અથવા આરડી ખાતુ રોકાણકારો વચ્ચે બચત માટે લોકપ્રિય ખાતુ છે. જેને ફિકસ્ડ ડિપોઝીટ અને લાંબા સમયગાળાની પોસ્ટ ઓફિસ સ્કીમના સારા વિકલ્પ તરીકે માનવામાં આવે છે. રિકરિંગ ડીપોઝીટમાં કોઈ નિશ્ચિત સમયગાળા માટે દર મહિને એક નક્કી કરેલી રકમ જમા કરાવવી પડે છે. સમયગાળો સમાપ્ત થતાં મેચ્યોરિટીની રકમ વ્યક્તિને પાછી આપી દેવામાં આવે છે.

વાર્ષિક 5.8 ટકા વ્યાજ 

પોસ્ટ ઓફિસના રિકરિંગ ડિપોઝીટ એકાઉન્ટમાં દર મહિને એક નક્કી કરેલી રકમ જમા કરી શકો છો. આ સ્કીમ પર વાર્ષિક 5.8 ટકા વ્યાજ મળે છે. આ વ્યાજ દર ત્રીજા મહિનામાં કમ્પાઉન્ડીંગ થઇને જોડાય છે. આ યોજનામાં જેટલો વધારે સમય જાય છે તેટલો વધુ ફાયદો થાય છે. જો તમારે પોસ્ટ ઓફિસની રિકરિંગ ડિપોઝીટ એકાઉન્ટ સ્કીમ દ્વારા વધુ નફો જોઈતો હોય તો વધુ સમય માટે રોકાણ કરવુ પડશે. પોસ્ટ ઓફિસમાં તમે 100 રૂપિયા મહિનાથી શરૂ કરીને આગળ ગમે તેટલી રકમ ભરી ખાતુ ખોલાવી શકો છો. આ રીતે તમે પોસ્ટ ઓફિસમાં આરડી ખાતુ ખોલાવી તમારા નાણાંકીય લક્ષ્યોને પ્રાપ્ત કરી શકો છો.

આરડી છે મદદરૂપ

જો તમે ઈચ્છશો તો પણ તમારા રૂપિયા ભેગા કરી શકશો નહીં. તેથી આ પ્રકારની યોજનાઓ ઓછા સમયગાળામાં ઓછી નાણાંકીય જરૂરિયાતવાળા લક્ષ્યને પૂર્ણ કરવામાં મદદરૂપ સાબિત થઇ શકે છે. જેને કારણે તમને દર મહિને થોડા રૂપિયા બચાવવામાં મદદ મળશે. તો જો રોકાણકાર બિલ્કુલ પણ જોખમ ઉઠાવી શકતો નથી અને રોકાણકારને નિશ્ચિત રિટર્ન જોઈએ છે તો તેના માટે આ યોજના સર્વોત્તમ છે. જેમાં 1 વર્ષના લક્ષ્યોને પૂર્ણ કરવા માટે રોકાણ કરી શકાય છે. રિકરિંગ ડિપોઝીટ એકાઉન્ટની સમયમર્યાદા સામાન્ય રીતે છ મહિનાથી લઇ 10 વર્ષ સુધી હોય છે. અમુક બેંકોમાં આરડી માટે ન્યુનત્તમ સમયગાળો 12 મહિનાનો છે.