તમારા કામનું / મિડલ ક્લાસ માટે પોસ્ટ ઓફિસની શાનદાર સ્કીમ, રોજ જમા કરવાના આટલા રૂપિયા, મળશે સીધા 16 લાખ

• પોસ્ટ ઓફિસની ગુલ્લક સ્કિમ 
• ફક્ત 333 રૂપિયા બચાવી મેળવો 16 લાખ 
• આ રીતે મળશે મેચ્યોરિટી પર 16 લાખ 

ભારતમાં લગભગ દરેક મિડલ ક્લાસ ઘરમાં તમને 'ગલ્લો' જોવા મળશે. નાની-નાની બચત કરવાનો તેનાથી સારો કોઈ ઉપાય ન હોઈ શકે. આજે અમે તમને જણાવી રહ્યા છીએ પોસ્ટ ઓફિસની એવી જ ગુલ્લક એટલે કે સેવિંગ સ્કીમ વિશે જ્યાં તમે દરરોજ ફક્ત 333 રૂપિયાની બચત કરીને મેચ્યોરિટી પર 16 લાખ રૂપિયા જમા કરી શકો છો. 

લગાવો પોસ્ટ ઓફિસની સ્કીમમાં પૈસા 
પોસ્ટ ઓફિસની લધુ બચત યોજનાઓ સામાન્ય માણસ માટે લાંબા સમયગાળામાં મોટો સહારો બને છે. એવી જ એક સ્કીમ છે પોસ્ટ ઓફિસની રિકરિંગ ડિપોઝિટ ખાતાની એટલે કે આરડી. હાલના સમયમાં આ સ્કીમમાં તમને 5.8%નું ચક્રવૃદ્ધિ વ્યાજ મળે છે અને તમે આ સ્ક્રીમમાં 100 રૂપિયા મહિના જેવી મામુલી રકમથી બચત શરૂ કરી શકો છો. 

આ રીતે મળશે મેચ્યોરિટી પર 16 લાખ 
પોસ્ટ ઓફિસની સ્કીમમાં તમે જો દરરોજ 333 રૂપિયા એટલે કે મહિનાના લગભગ 10,000 રૂપિયા જમા કરાવો છો તો એક વર્ષમાં તમારી કુલ બચત 1.20 લાખ રૂપિયા થશે. આ ખાતુ 10 વર્ષ ચાલવા પર તેની કુલ જમા રકમ 12 લાખ રૂપિયા થઈ જશે. તેના પર 10 વર્ષમાં તમને કુલ 4,26,476 રૂપિયા વ્યાજ મળશે. આ રીતે તમને મેચ્યોરિટી પર 16 લાખ રૂપિયાથી વધારેની રકમ મળશે. આરડીનો મેચ્યોરિટી પિરિયડ 5 વર્ષ હોય છે. પરંતુ તમે તેમે આગળના 5 વર્ષ માટે વધારી શકો છો. 

રિસ્ક ફ્રી છે RDમાં રોકાણ 
પોસ્ટ ઓફિસની લગભગ દરેક સેવિંગ સ્કીમ રિસ્ક ફ્રી હોય છે. RDની સાથે એ પણ ફાયદો છે. પરંતુ આ સ્કીમમાં એક વાત તમને ખાસ ધ્યાનમાં રાખવાની હોય છે જો તમે તેના હપ્તા ભરવાનું ભૂલી જાવ તો તમારે 1% પ્રતિ મહિનાનો દંડ ભરવાનો હોય છે. સતત 4 હપ્તા ભૂલવા પર તમારૂ ખાતુ તમે બંધ થઈ જાય છે. જોકે તમે આ 2 મહિનાની અંદર ફરી ભરીને ચાલુ કરી શકો છો.