પોસ્ટ ઓફિસની સ્કીમ્સમાં રોકાણ કરવાના અનેક ફાયદા હોય છે. તેની સૌથી ખાસ વાત એ છે કે આ સુરક્ષિત છે અને સામાન્ય રોકાણ વિકલ્પોની સરખામણીમાં સારું રિટર્ન મળે છે. જો તમે કોઈ જોખમ વિના રિટર્ન મેળવવા માંગો છો તો પોસ્ટ ઓફિસની આ સ્કીમ તમારા માટે શ્રેષ્ઠ વિકલ્પ બની શકે છે. આ સ્કીમનું નામ છે પોસ્ટ ઓફિસ રિકરિંગ ડિપોઝિટ.
સુરક્ષિત રોકાણ કરવા માટે બેસ્ટ છે પોસ્ટ ઓફિસની આ સ્કીમ
પોસ્ટ ઓફિસ રિકરિંગ ડિપોઝિટમાં મેળવો સારું રિટર્ન
શું છે પોસ્ટ ઓફિસ RD સ્કીમ
આ સ્કીમમાં તમે બહુ જ ઓછાં પૈસા સાથે રોકાણની શરૂઆત કરી શકો છો. આ સિવાય તેમાં તમારા પૈસા પણ સુરક્ષિત રહેશે. તમે આ સ્કીમમાં 100 રૂપિયા મહિના આપીને પણ રોકાણ કરી શકો છો. કોઈ મહત્તમ મર્યાદા નથી. તમે કોઈપણ રકમનું રોકાણ કરી શકો છો. પોસ્ટ ઓફિસ આરડી ડિપોઝિટ એકાઉન્ટ વધુ સારાં વ્યાજદર સાથે નાના હપ્તાઓ જમા કરવાની સરકારની ગેરંટીડ યોજના છે.
જાણો કેટલું વ્યાજ મળશે
પોસ્ટ ઓફિસમાં જે આરડી ખાતું ખોલવામાં આવે છે તે 5 વર્ષનું હોય છે. આનાથી ઓછી અવધિ માટે આ ખાતું ખુલતું નથી. દર ત્રિમાસિક (વાર્ષિક દરે), જમા કરાયેલા નાણાં પર વ્યાજની ગણતરી કરવામાં આવે છે. પછી તે દરેક ક્વાર્ટરના અંતમાં કમ્પાઉન્ડ ઈન્ટરસ્ટ સાથે તમારા ખાતામાં ઉમેરવામાં આવે છે. હાલ આરડી યોજના પર 5.8 ટકા વ્યાજ આપવામાં આવી રહ્યું છે. આ નવા દર 1 જુલાઈ 2020થી લાગુ થયા છે. કેન્દ્ર સરકારે તેની બધી નાની બચત યોજનાઓમાં દર ત્રિમાસિકમાં વ્યાજદરની જાહેરાત કરી છે.
10 હજાર રૂપિયાનું રોકાણ કરવા પર તમને 16 લાખથી વધુ મળશે
જો તમે પોસ્ટ ઓફિસની આરડી સ્કીમમાં દર મહિને 10 હજાર રૂપિયા રોકાણ કરો છો, અને એ પણ 10 વર્ષ માટે મેચ્યોરિટી પર તમને 16.28 લાખ રૂપિયા મળશે.
આરડી ખાતા વિશે કેટલીક ખાસ બાબતો
જો તમે સમયસર આરડી હપ્તા જમા નહીં કરો, તો તમારે ચાર્જ ચૂકવવો પડશે. જો હપ્તામાં મોડું થાય તો તમારે દર મહિને એક ટકા ચાર્જ ચૂકવવો પડશે. આ સાથે, જો તમે સતત 4 હપ્તા જમા નહીં કરો, તો તમારું એકાઉન્ટ બંધ થઈ જશે. જોકે, એકવાર એકાઉન્ટ બંધ થઈ ગયા પછી તે આગામી 2 મહિના ફરી એક્ટિવ થઈ શકે છે.