ફાયદાની વાત / પોસ્ટ ઓફિસની આ સ્કીમ બનાવશે માલામાલ, 10 હજારનું રોકાણ કરી મેળવો 16 લાખ રૂપિયા, જાણો ઇન્વેસ્ટમેન્ટ પ્લાન વિશે

• પોસ્ટની આ સ્કિમમાં કરો સુરક્ષિત રોકાણ 
• જાણો શું છે આ સ્કીમ અને કેટલું મળે છે રિટર્ન? 
• જાણો કઈ રીતે 10 હજાર બનશે 16 લાખ 

કોરોના વાયરસના આ સમયગાળામાં લોકો એક સુરક્ષિત રોકાણ શોધી રહ્યા છે. બેન્કોમાં રોકાણ કરવા પર વ્યાજ ઓછું આપવામાં આવી રહ્યું છે અને શેર બજારમાં વધુ રિટર્ન મળવાની સાથે સાથે રિસ્ક પણ વધુ છે. એવામાં જો તમે દર મહિને 10 હજાર રૂપિયા રોકાણ કરીને 16 લાખ રૂપિયા કમાવવા માંગો છો તો તેની એક સ્કીમ અમે તમને જણાવવા જઈ રહ્યા છીએ.  આ છે પોસ્ટ ઓફિસ રિકરિંગ ડિપોઝિટ એકાઉન્ટ, જેમાં સારા વ્યાજ સહિત સરકારી ગેરેન્ટી પણ આવે છે.  

શું છે આ સ્કીમ અને કેટલું મળે છે રિટર્ન? 
આ એકાઉન્ટ એફડી જેવું હોય છે. પરંતુ પૈસાના રોકાણને લઈને તેમાં એફડીથી વધારે સુવિધાઓ મળે છે. એફડીમાં એક વખતમાં સારા પૈસા લગાવવાના હોય છે. જ્યારે તેમાં દર મહિને એક નિશ્ચિત રકમ લગાવીને તમે પૈસા પર વ્યાજ કમાઈ શકો છો. આ એકાઉન્ટમાં જમા પૈસા પર 5.8 ટકા જેટલું વ્યાજ મળે છે. આ વ્યાજ ત્રણ મહિનાના આધાર પર કમ્પાઉન્ડિંગ થઈને જોડાતું જાય છે. પોસ્ટ ઓફિસની આ સ્કીમ બજારથી લિન્ક્ડ નથી. જેના કારણે તેમાં રિટર્નને લઈને કોઈ રિસ્ક નથી. એટલે કે જો પૈસાનું રોકાણ કર્યું છે તો ગેરેન્ટીડ રિટર્ન મળશે. 

દર મહિને આપવાના રહેશે ઓછામાં ઓછા 100 રૂપિયા 
પોસ્ટ ઓફિસમાં રિકરિંગ ડિપોઝિટ એકાઉન્ટમાં વ્યાજ કમ્પાઉન્ડિંગના હિસાબથી મળે છે. એટલે કે જેટલો વધારે સમયગાળો, તેટલો વધારે ફાયદો. એવામાં પ્રયત્ન કરો કે તેમાં લાંબા ગળાનું રોકાણ કરી શકો. સારી વાત એ છે કે તેમાં ઓછામાં ઓછા 100 રૂપિયા દર મહિને જમા કરીને ખાતું ખોલાવી શકાય છે. તેનાથી વધારે પૈસા 10ના મલ્ટિપલમાં જમા કરવામાં આવી શકે છે. વધારે પૈસા જમા કરવાની તેમાં કોઈ સમય સીમા નથી. 

કઈ રીતે 10 હજાર રૂપિયા બનશે 16 લાખ? 
આ સ્કીમમાં તમને 10 વર્ષ સુધી પૈસા લગાવવાના રહેશે. તમે દર મહિને 10 હજાર રૂપિયા જમા કરી શકો છો. આ રીતે 10 વર્ષ સુધી દર મહિને 10 હજાર રૂપિયા સુધીના હિસાબથી તમારૂ કુલ રોકાણ 12 લાખ રૂપિયાનું થઈ જશે. તેના પર તમને 10 વર્ષમાં 5.8 ટકાની નજીક લગભગ 10 હજાર રૂપિયાનું વ્યાજ મળશે અને તમારા ખાતામાં કુલ પૈસા 16,26,476 રૂપિયા થઈ જશે. જો તમે દર મહિને 10 હજાર રૂપિયા નહીં જમા કરી શકો તો દર મહિને 3000 રૂપિયા જમા કરીને પણ 10 વર્ષમાં તેને 5 લાખથી વધારે બનાવી શકો છો. 

ધ્યાનમાં રાખો આ વાત 
જો તમે ઈચ્છો તો એકથી વધારે પોસ્ટ ઓફિસ આરડી ખાતા ખોલાવવી શકો છો. અટલે કે હાલ એક ખાતુ ખોલાવો અને બાદમાં લાગે કે વધુ એક ખાતું ખોલાવવું છે તો બીજુ પણ ખોલાવી શકો છો. ધ્યાન રાખો કે આ ખાતુ કોઈ પરિવાર અથવા સંસ્થાના નામ પર નહીં ખુલી શકે. તેમાં અથવા તો ખાતુ કોઈ એક વ્યક્તિના નામ પર ખુલશે અથવા બે વ્યક્તિના નામ પર જ્વોઈન્ટ એકાઉન્ટ ખુલશે.