તમારા કામનું / Post Office ની આ સેવિંગ સ્કીમ છે ખૂબ જ સારી, 5 વર્ષમાં આપે છે 3 લાખની એક્સ્ટ્રા ઈનકમ

• 1,000 રુપિયાની ઓછામાં ઓછી રકમ સાથે રોકાણ કરી શકાય
• સરકાર આ ખાતા પર 7.1 ટકા વાર્ષિય વ્યાજ આપશે
• સિનિયર સિટિજન પણ આ સ્કિમનો લાભ લઈ શકે છે

મધ્યમ વર્ગના લોકો પોસ્ટ ઓફિસની નાની બચત યોજનાઓને સૌથી સુરક્ષિત બચત યોજના માને છે. હવે જો તમને પોસ્ટ ઓફિસમાં જ એવી કોઈ સ્કીમ મળે છે જ્યાં તમારા પૈસા સુરક્ષિત હોય અને તમને દર મહિને સારી આવક મળે તો અમે તમને તેના વિશે સંપૂર્ણ માહિતી આપવા જઈ રહ્યા છીએ. 5 વર્ષની પાકતી મુદતમાં પોસ્ટ ઓફિસની આ યોજના સામાન્ય લોકોને 3 લાખ રૂપિયાથી વધુની આવક આપે છે, જો તમે સીનિયર સિટિજન છો અથવા નિવૃત થઈ ગયા છો. તો પણ તમે આ સ્કિમનો ફાયદો ઉઠાવી શકો છો. કારણ કે આ યોજનામાં તમે રોકાણ કરી મહિનાની આવકને પેન્શન તરીકે ઉપયોગ કરી શકો છો.

જાણો National Monthly Income Scheme ખાતુ

અમે વાત કરી રહ્યા છીએ પોસ્ટ ઓફિસમાં ખોલવામાં આવતા નેશનલ મંથલી ઈનકમ સ્કીમ ખાતા વિશે. આમ તો તેમાં  1,000 રુપિયાની ઓછામાં ઓછી રકમ સાથે રોકાણ કરી શકાય છે, પરંતુ તેમાં વધારે ફાયદો એક સારી રકમનું ફંડ જમા કરવાથી મળે છે. એમઆઈએસ ખાતામાં એક વખત પૈસા જમા કરવાના હોય છે. ત્યારબાદ વ્યાજની ચૂકવણી મહિનાના આધાર પર કરવામાં આવે છે. જાન્યુઆરી-માર્ચમાં સરકાર આ ખાતા પર 7.1 ટકા વાર્ષિય વ્યાજ આપશે. 

3 લાખ રુપિયાથી વધુની એક્સ્ટ્રા ઈનકમ થશે

એમઆઈએસ હેઠળ હાલના સમયમાં સિંગલ એકાઉન્ટમાં વધુમાં વધુ 4.5 લાખ રુપિયા અને જોઈન્ટ એકાઉન્ટમાં 9 લાખ રુપિયાની મંજૂરી છે. નાણામંત્રી નિર્મલા સિતારમણે 2023ના બજેટ ભાષણમાં તેને વધારી 9 લાખ રુપિયા અને 15 લાખ રુપિયા કરવાની જાહેરાત કરી છે.માની લઈ કે તમે એક વખતમાં 9 લાખ રુપિયા આ સ્કીમમાં લગાવો છો. તો હાલના વ્યાજ દરના હિસાબે તમને દર વર્ષે 63,900 રુપિયાની ઈનકમ થશે.આ સ્કિમમાં તમને 1 વર્ષ અને 3 વર્ષમાં બહાર આવવાની સુવિધા પણ મળે છે. માતા-પિતા પોતાના બાળકો માટે આ ખાતામાં રોકાણ કરી શકે છે, જ્યારે 10 વર્ષથી મોટા બાળકોનું ખાતુ તેમના નામથી જ ખોલી શકાય છે.