સુરક્ષિત રોકાણ / પોસ્ટ ઓફિસની માલામાલ સ્કિમ! દર મહિને મળશે 2500 રૂપિયા, જાણો સમગ્ર ડિટેઇલ્સ

• શું તમે પણ સારી જગ્યાએ રોકાણ કરવાનું વિચારો છો?
• પોસ્ટ ઓફિસની માસિક આવક સ્કીમમાં કરો રોકાણ
• તમને રૂપિયા ગેરંટી સાથે પાછા મળશે તે પણ વ્યાજની સાથે

મળશે દર મહિને રૂપિયા 

અમે તમને જણાવી રહ્યાં છે પોસ્ટ ઓફિસ મંથલી ઈન્કમ સ્કીમ અંગે. જેમ કે નામ ઉપરથી તમે સમજી ગયા હશો કે આ એક માસિક આવક સ્કીમ છે. આ સ્કીમ દ્વારા તમે તમારા રૂપિયા સંપૂર્ણ ગેરંટીની સાથે પાછા લઈ શકો છો અને તે પણ વ્યાજની સાથે. પોસ્ટ ઓફિસની આ સ્કીમમાં 6.6 ટકા વાર્ષિક વ્યાજ મળે છે. જેનો મેચ્યોરિટી પિરિયડ 5 વર્ષનો છે. એટલેકે 5 વર્ષ બાદ તમને માસિક આવક થશે. જો તમે એકસામટા 4.5 લાખ રૂપિયા જમા કરી દેશો તો 5 વર્ષ બાદ તમને દર વર્ષે 29,700 રૂપિયા મળશે. જો તમે દર મહિને આવક મેળવવા ઈચ્છો તો તમને દર મહિને 2475 રૂપિયાની કમાણી થશે.

ફક્ત 1000 રૂપિયામાં ખુલી જશે ખાતુ

પોસ્ટ ઓફિસ માસિક આવક સ્કીમ હેઠળ ફક્ત 1000 રૂપિયામાં ખાતુ ખોલી શકાય છે. 18 વર્ષ પૂર્ણ થયા બાદ કોઈ પણ વ્યક્તિ ખાતુ ખોલાવી શકે છે. એક વ્યક્તિ એકસાથે વધુમાં વધુ 3 એકાઉન્ટ  હોલ્ડરની સાથે ખાતુ ખોલાવી શકે છે.

શું છે સ્કીમની શરતો?

આ ખાતુ ખોલાવવાની એક શરત એ છે કે તમે 1 વર્ષ પહેલાં પોતાની જમા કરેલી રકમ નિકાળી શકતા નથી. જ્યારે પોતાનો મેચ્યોરિટી પિરિયડ પૂર્ણ થતાં પહેલા એટલેકે 3 થી 5 વર્ષની વચ્ચે નિકાળશો તો તમારી મૂળ રકમમાંથી 1 ટકા રકમ કાપી પાછા આપી દેવામાં આવશે. તો મેચ્યોરિટી પીરિયડ પૂર્ણ થયા બાદ રૂપિયા નિકાળશો તો સ્કીમના બધા ફાયદા મળશે.