ફાયદો / પોસ્ટ ઓફિસની આ ખાસ સ્કીમમાં પતિ-પત્ની બંનેને મળે છે 59,400 રૂપિયા, જાણો કઈ રીતે લેવો લાભ

• ફ્ચૂચર સિક્યોર કરવા પોસ્ટ ઓફિસ ચલાવે છે ઘણી સ્કીમ
• પતિ-પત્ની બંને માટે બેસ્ટ છે આ સ્કીમ
• આમાં તમારા પૈસા પર કોઈ રિસ્ક રહેતું નથી

પોસ્ટ ઓફિસ દ્વારા એક ખાસ સ્કીમ ચલાવવામાં આવે છે, જેના દ્વારા પતિ અને પત્ની બંને મળીને વાર્ષિક 59,400 રૂપિયા કમાઈ શકે છે. આ યોજનાનું નામ પોસ્ટ ઓફિસ મંથલી સેવિંગ સ્કીમ (Post Office MIS) છે, જેના દ્વારા તમે દર મહિને નિશ્ચિત કમાઈ થાય છે. જો મંથલી કમાણીની વાત કરીએ તો તમે આમાં દર મહિને 4950 રૂપિયા કમાઈ શકો છો. તમે આમાં જોઈન્ટ ખાતું પણ ખોલી શકો છો ચાલો તમને જણાવીએ આ સ્કીમ વિશે. 

વાર્ષિક આટલી કમાણી થશે

આ સ્કીમમાં જોઈન્ટ ખાતાને કારણે લાભ બમણો થઈ જાય છે. આ સ્કીમમાં પતિ અને પત્ની સાથે જોડાઈને વાર્ષિક 59,400 રૂપિયા કમાઈ શકે છે. 

શું છે MIS સ્કીમ

MIS સ્કીમમાં ખોલવામાં આવેલું ખાતું સિંગલ અને જોઇન્ટ બંને રીતે ખોલી શકાય છે. વ્યક્તિગત ખાતું ખોલતી વખતે તમે આ સ્કીમમાં ઓછામાં ઓછા 1,000 અને મહત્તમ 4.5 લાખ રૂપિયાનું રોકાણ કરી શકો છો. પરંતુ જોઈન્ટ ખાતામાં વધુમાં વધુ 9 લાખ રૂપિયા સુધી જમા કરાવી શકાય છે. આ સ્કીમ રિટાયર્ડ કર્મચારીઓ અને વરિષ્ઠ નાગરિકો માટે ખૂબ જ ફાયદાકારક છે.

આ ફાયદા મળશે

MIS વિશે સારી બાબત એ છે કે બે કે ત્રણ લોકો સાથે મળીને જોઈન્ટ ખાતું ખોલી શકે છે. આ ખાતાના બદલામાં મળેલી આવક દરેક સભ્યને સમાન રીતે આપવામાં આવે છે. તમે કોઈપણ સમયે જોઈન્ટ ખાતાને સિંગલ ખાતામાં રૂપાંતરિત કરી શકો છો. સિંગલ એકાઉન્ટને જોઇન્ટ એકાઉન્ટમાં પણ રૂપાંતરિત કરી શકાય છે. ખાતામાં કોઈપણ ફેરફાર કરવા માટે ખાતાના તમામ સભ્યોએ જોઈન્ટ અરજી આપવી પડશે.

કઈ રીતે કામ કરે છે આ સ્કીમ

તમને જણાવી દઈએ કે આ સ્કીમમાં તમને 6.6 ટકાના દરે વાર્ષિક વ્યાજ મળી રહ્યું છે. યોજના હેઠળ તમારી કુલ જમા રકમ પર વાર્ષિક વ્યાજના આધારે વળતરની ગણતરી કરવામાં આવે છે. આમાં તમારું કુલ વળતર વાર્ષિક ધોરણે મળે છે. જેથી તે દરેક મહિના અનુસાર 12 ભાગમાં વહેંચાયેલું છે. તમે દર મહિને તમારા ખાતામાં આ ભાગ ઉપાડી શકો છો. જો તમને મંથલી બેસિસ પર તેની જરૂર નથી તો આ રકમ મૂળ રકમ સાથે ઉમેરીને તેના પર વ્યાજ મળે છે. 

આ ઉદાહરણથી સમજો

માની લો કે પતિ -પત્નીએ આ યોજના હેઠળ જોઈન્ટ ખાતામાં 9 લાખ રૂપિયા રોકાણ કર્યા છે. 6.6 ટકા વ્યાજ દરે 9 લાખની ડિપોઝિટ પર વાર્ષિક વળતર 59,400 રૂપિયા હશે. જો તેને 12 ભાગોમાં વહેંચવામાં આવે તો તે 4950 રૂપિયા મંથલી મળશે. એટલે કે, દર મહિને તમારા ખાતામાં 4950 રૂપિયા મંગાવી શકો છો. સાથે જ તમારી મૂળ રકમ સંપૂર્ણપણે સુરક્ષિત રાખવામાં આવશે. જો તમે ઈચ્છો તો 5 વર્ષ પછી અને 5-5 વર્ષ માટે સ્કીમને લંબાવી શકો છો.