જો તમે પણ પોતાના માટે સુરક્ષિત અને સિક્યોર રોકાણ કરવા માંગો છો તો પોસ્ટ ઓફિસની આ સ્કીમ્સમાં પૈસા ડબલ કરી શકો છો.
પોસ્ટ ઓફિસની આ સ્કીમ્સમાં કરો રોકાણ
પૈસા થશે સીધા ડબલ
જાણો સ્કીમ્સ વિશે દરેક માહિતી
પોસ્ટ ઓફિસની સ્કીમ સુરક્ષિત અને સિક્યોર રોકાણ છે. પોસ્ટ ઓફિસની ઘણી સ્કીમ્સ તમારા માટે સારૂ રિટર્ન પણ આપે છે. સપ્ટેમ્બર ત્રણ મહિના માટે કેન્દ્ર સરકારે દરેક નાની બચત યોજનાઓના વ્યાજદરમાં ફેરફાર નથી કર્યા. એવામાં પોસ્ટ ઓફિસની આ સ્કીમ્સ તમારા માટે બેસ્ટ ઈન્વેસ્ટમેન્ટ રહેશે. તે તમને ઓછા સમયમાં ડબલ ફાયદો આપશે.
સુકન્યા સમૃદ્ધિ યોજના
સુકન્યા સમૃદ્ધિ યોજના દિકરીઓ માટે કેન્દ્ર સરકારની એક નાની બચત યોજના છે જેને બેટી બચાઓ-બેટી પઢાઓ સ્કીમ હેઠળ લોન્ચ કરવામાં આવી છે. કેન્દ્ર સરકારની આ યોજના એક ખૂબ જ મહત્વકાંક્ષી યોજના છે જેમાં સૌથી વધુ 7.6 ટકા ઈન્ટરેસ્ટ મળે છે. આ સ્કીમમાં 9 વર્ષમાં તમારા પૈસા ડબલ થાય છે.
રિકરિંગ ડિપોઝિટ સ્કીમ
આ સ્કીમ હેઠળ આરડીમાં 5.8 ટકા વ્યાજ મળે છે. આ સ્કીમમાં 12 વર્ષમાં તમારા પૈસા ડબલ થશે.
સીનિયર સિટીઝન સેવિંગ સ્કીમ
SCSS યોજનામાં તમને 7.4 ટકા વ્યાજ આપવામાં આવે છે. જ્યાં 9.73 વર્ષમાં પૈસા ડબલ થશે.
PPF યોજના
PPF એક લોન્ગ ટર્મ રોકાણનું ઓપ્શન છે. તેમાં તમને ફંડ બનાવવાનો અવસર મળે છે. જો PPFમાં સમજદારી સાથે રોકાણ કરવામા આવે તો તે તમને ગેરેન્ટીડ કરોડપતિ બનાવી શકે છે. Post Officeની PPF યોજનામાં વ્યાજદર 7.1 ટકા છે. આ યોજના હેઠળ 10 વર્ષમાં તમારા પૈસા ડબલ થઈ જશે.
મંથલી ઈનકમ સ્કીમ
પોસ્ટ ઓફિસ મંથલી ઈનકમ સ્કીમ રોકાણકારોને દર મહિને એક નક્કી રકમની કમાણીની ગેરેન્ટી આપે છે. આ સ્કીમમાં એકાઉન્ટ ખોલીને પૈસા જમા કરવાના રહે છે. MISમાં રોકાણ કરવા પર 6.6 ટકા વ્યાજ મળે છે. આ યોજના હેઠળ 10 વર્ષમાં પૈસા ડબલ થશે.
નેશનલ સેવિંગ સર્ટિફિકેટ
રાષ્ટ્રીય વચન પત્ર એટલે કે નેશનલ સેવિંગ સર્ટિફિકેટ સ્કીમ પોસ્ટ ઓફિસની બેસ્ટ સેવિંગ સ્કીમ છે. NSCમાં 6.8 ટકા વ્યાજ આપવામાં આવે છે. તે 5 વર્ષીય બચત યોજના છે. તેમાં 10 વર્ષમાં તમારા પૈસા ડબલ થશે.
ટાઈમ ડિપોઝિટ યોજના
1થી 3 વર્ષ સુધીના ટાઈમ ડિપોઝિટ યોજનામાં રોકાણ કરવાથી 5.5 ટકા વ્યાજ મળે છે. આ યોજનામાં તમારા પૈસા 13 વર્ષમાં ડબલ થઈ જશે. જો તમે 5 વર્ષના ટાઈમ ડિપોઝિટમાં રોકાણ કરો છો તો 6.7 ટકા વ્યાજદર છે. ટાઈમ ડિપોઝિટ સ્કીમમાં રોકાણ કરવાનો સૌથી મોટો ફાયદો એ છે કે તે તમને રોકાણ પર 100 ટકા સુરક્ષાની ગેરેન્ટી આપે છે. જ્યારે બેન્કમાં 5 લાખ રૂપિયા સુધીની જમા રકમ પર જ સુરક્ષાની ગેરેન્ટી છે.