રિસ્ક વગર વધારે રિટર્ન જોઇએ છે? તો આ યોજનાઓમાં કરો રોકાણ

માર્કેટમાં ‘વધુ રિસ્ક વધુ રિટર્ન’ આપનારા રોકાણના કેટલાંક વિકલ્પ હોવા છતાં નક્કી કરેલ રિટર્ન આપતા રોકાણ વિકલ્પ જ વધુ લોકો પસંદ કરે છે. આવા વિકલ્પો તમારા પૈસાને સુરક્ષિત રાખવાની સાથે-સાથે જ ટેક્સ બચાવવામાં પણ મદદ કરે છે. એટલે જો તમે પણ ઈક્વિટીમાં રોકાણ કરવા માંગતા નથી અને સુરક્ષિત રોકાણ કરવા ઈચ્છો છો તો નજીકની પોસ્ટઑફિસમાં જાઓ. અહીં તમને ઘણાં વિકલ્પ મળશે.


નેશનલ સેવિંગ્સ સર્ટિફિકેટ:

નેશનલ સેવિંગ્સ સર્ટિફિકેટ (NSC)માં રોકાણ કરવાનો એક સારો વિકલ્પ છે જ્યાં તમને આઈટી એક્ટની સેક્શન 80C હેઠળ ટેક્સ ડિડક્શનનો લાભ મળે છે. NSCમાં ઓછામાં ઓછા 100 રૂપિયા અને તેના મલ્ટીપલની સાથે રોકાણ કરી શકાય છે. વર્તમાનમાં તેની પર 7.6% વ્યાજદર મળે છે જે વાર્ષિક ચક્રવૃદ્ધિના દરથી વધતુ રહે છે પરંતુ બધા પૈસા સમય પાક્યા બાદ જ મળે છે. એવી રીતે આજે NSCમાં ઈન્વેસ્ટમેન્ટમાં કરવામાં આવેલા 100 રૂપિયા 5 વર્ષ પછી 144.23 રૂપિયા થઈ જશે.

15 વર્ષીય પબ્લિક પ્રોવિડન્ટ ફંડ (PPF):

લાંબાગાળા માટેના રોકાણ માટે પબ્લિક પ્રોવિડન્ટ ફંડ એક સારી પસંદગી છે. જેમાં એક નાણાંકીય વર્ષમાં ઓછામાં ઓછા 500 રૂપિયા અને વધુમાં વધુ 1.5 લાખ રૂપિયા રોકાણ થઈ શકે છે. વર્તમાનમાં આ 15 વર્ષીય PPF ઈન્વેસ્ટમેન્ટ પર દર વર્ષે 7.6% વ્યાજ દર મળે છે જે વાર્ષિક ચક્રવૃદ્ધિના દરથી વધતુ રહે છે. આ પ્લાનમાં જમા કરાયેલી આખી રકમ પર આઈટી એક્ટના સેક્શન 80C હેઠળ આવકમાંથી કપાતની સુવિધા પણ મળશે. આ સ્કીમ હેઠળ કમાયેલુ વ્યાજ પણ સંપૂર્ણ રીતે ટેક્સ ફ્રી હોય છે. જેનાથી PPF પરંપરાગત રોકાણકારો માટે સૌથી વધુ ટેક્સ એફિશિએટ ઈન્વેસ્ટમેન્ટ બની જાય છે.

સીનિયર સિટીઝન સેવિંગ્સ સ્કીમ (SCSS)

જો તમારી ઉંમર 60 વર્ષથી વધુ છે અથવા જો તમે 55 થી 60 વર્ષની વચ્ચે વીઆરએસ અથવા નિવૃત્તિ લઈ લીધી છે જો તમે એક રિટાયર્ડ ડિફેન્સ પર્સનેલ છે અને તમારી ઉંમર 50 વર્ષથી વધુ છે તો આ સ્કીમમાં રોકાણ કરી શકો છો. જેમાં મેચ્યોરિટી પીરિયડ 5 વર્ષ છે અને તેના પર દર વર્ષે 8.3%ના દરથી વ્યાજ મળે છે. 31 માર્ચ 30 સપ્ટેમ્બર અને 31 ડિસેમ્બરમાં કોઈ પણ તારીખ પર તેના પરથી પૈસા નિકાળી શકો છો. SCSSમાં વધુમાં વધુ 15 લાખ રૂપિયાનું રોકાણ કરી શકો છો.

5 વર્ષની પોસ્ટ ઑફિસ રિકેરિંગ ડિપૉઝીટ એકાઉન્ટ:

5 વર્ષીય પોસ્ટ ઑફિસ રિકેરિંગ ડિપૉઝીટ એકાઉન્ટમાં મહિને ઓછામાં ઓછું 10 રૂપિયા ઈન્વેસ્ટ કરી શકો છો જેમાં રોકાણ કરવાની કોઈ મહત્તમ મર્યાદા નથી. વર્તમાનમાં આ 5 વર્ષીય પોસ્ટ ઑફિસ રિકેરિંગ ડિપૉઝીટ એકાઉન્ટ પર 6.9% ના દરથી વ્યાજ મળે છે જે દર ત્રણેક મહિના પર ચક્રવૃદ્ધિ વ્યાજ દરે વધતુ રહે છે. આ રીતે આજથી સ્કીમમાં મહિને 1000 રૂપિયાનું રોકાણ કર્યા બાદ 5 વર્ષ પછી 71 743 રૂપિયા જમા થઈ શકે છે. તમે એક વર્ષ બાદ એક વખતમાં પોતાના ટોટલ ઈન્વેસ્ટમેન્ટનું 50% નિકાળી શકો છો જ્યારે સમય પહેલા એકાઉન્ટ બંધ કરવાની પરવાનગી 3 વર્ષ પછી આપવામાં આવે છે.

પોસ્ટ ઑફિસ ટાઈમ ડિપૉઝીટ એકાઉન્ટ:

આ યોજના હેઠળ તમે ઓછામાં ઓછા 200 રૂપિયાનું રોકાણ શરૂ કરી શકો છો જેના પર તમને અલગ-અલગ સમયમર્યાદા મુજબ અલગ-અલગ વ્યાજદર મુજબ રિટર્ન મળે છે. વર્તમાનમાં 1 વર્ષવાળા ડિપૉઝીટ પર 6.6 % 2 વર્ષવાળા ઈન્વેસ્ટમેન્ટ પર 6.7 % 3 વર્ષ માટે 6.9 % અને 5 વર્ષ માટે 7.4 % ના દરથી વ્યાજ મળે છે. જેમાં કરાયેલા ઈન્વેસ્ટમેન્ટ પર દર વર્ષે વ્યાજ આપવામાં આવે છે પરંતુ તેનું કેલ્ક્યુલેશન દર ત્રણ મહિને કરવામાં આવે છે. આ સિવાય 5 વર્ષવાળા ટાઈમ ડિપૉઝીટમાં કરાયેલા ઈન્વેસ્ટમેન્ટ પર  આઈટી એક્ટ 1961ની સેક્શન 80C હેઠળ ટેક્સ લાભ મળે છે. પોસ્ટ ઑફિસ ટાઈમ ડિપૉઝીટ એકાઉન્ટમાં રોકાણ કરવાની ઉપર કોઈ મર્યાદા નથી.

કિસાન વિકાસ પત્ર: 

જો 1000 રૂપિયાના કિસાન વિકાસ પત્રમાં એક એકાઉન્ટ ખોલી શકે છે જેમાં રોકાણ કરવા માટે કોઇ ઉપરી સીમા નથી. KVP રોકાણ 7.3% દરથી ઇન્ટરેસ્ટ મળે છે જે વાર્ષિક ચક્રવૃદ્ઘિના દરથી વધે છે. આ રીતે તમે KVPમાં જેટલી પણ રકમ ઇન્વેસ્ટ કરો છે તે 118 મહિના ( 9 વર્ષ 10 મહિના) માં ડબલ થઇ જાય છે. KVP સર્ટિફિકેટ્સને એક વ્યકિતથી બીજા વ્યકિતના નામ પર ટ્રાન્સફર કરી શકાય છે અને તેને જારી કરવાના તારીખ 2.5 વર્ષ પછીની હોય છે.