જો તમે સુરક્ષિત રોકાણ અને સારુ રિટર્ન મેળવવા માંગો છો તો પોસ્ટ ઓફિસની આ યોજનામાં રોકાણ કરો.
આ રીતે કરો સુરક્ષિત રોકાણ
ઓછા રિસ્કમા મળશે સારૂ રિટર્ન
જાણો તમને શું મળશે લાભ
જો તમે સુરક્ષિત રોકાણ અને સારુ રિટર્ન મેળવવા માંગો છો તો પોસ્ટ ઓફિસની ગ્રામ સુરક્ષા યોજનામાં રોકાણ કરી શકો છો. આ યોજનામાં તમે જોખમ વગર સારી કમાણી કરી શકો છો. આ યોજનામાં તમે નાની નાની રકમ રોકાણ કરી વધુ પૈસા ભેગા કરી શકો છો. રોકાણની રકમ ઓછી હોવાના કારણે ગોમમાં રહેતા કોઈ પણ વ્યક્તિ આ યોજનાનો લાભ ઉઠાવી શકે છે. ખેડૂતો પણ મોદી સરકારની આ યોજનાનો લાભ ઉઠાવી શકે છે.
જાણો યોજના વિશે
19 વર્ષથી 55 વર્ષની વચ્ચે કોઈ પણ ભારતીય નાગરિક આ સ્કીમમાં રોકાણ કરી શકે છે. આ યોજનામાં તમે 10 હજારથી લઈને 10 લાખ રૂપિયા સુધી રોકાણ કરી શકો છો. ત્યાં જ જો વાત પ્રીમિયમની કરવામાં આવે તો. તેને તમે મંથલી, ક્વાર્ટરલી, હાફ-યરલી અને વાર્ષિક પણ ભરી શકો છો. પ્રીમિયમની ચુકવણી માટે તમને 30 દિવસની છૂટ પણ આપવામાં આવે છે.
રોકાણના ફાયદા વિશે જાણો
આ સ્કીમમાં રોકાણ કરવાના ઘણા ફાયદા છે. જે હેઠળ તમે લોનના બેનિફિટ પણ ઉઠાવી શકો છો. જોકે લોનની સુવિધાનો લાભ તમે આ યોજનામાં 4 વર્ષ રોકાણ કર્યા બાદ જ ઉઠાવી શકશો. યોજના હેઠળ તમે 19 વર્ષની ઉંમરમાં 10 લાખ રૂપિયાની ગ્રામ સુરક્ષા યોજના ખરીદો છો તો 55 વર્ષ માટે તમારે દર મહિને 1515 રૂપિયા પ્રીમિયમ ભરવાનું રહેશે.
જ્યારે 58 વર્ષ માટે 1463 રૂપિયા અને 60 વર્ષ માટે 1411 રૂપિયા મહિને જમા કરવાના રહેશે. આ સ્કીમ હેઠળ રોકાણકાર દરરોજ લગભગ 50 રૂપિયા એટલે કે મહિનામાં 1500 રૂપિયા જમા કરી શકે છે.
કેટલું મળશે રિટર્ન?
જો રિટર્નની વાત કરવામાં આવે તો રોકાણકારને 55 વર્ષ માટે 31.60 લાખ રૂપિયા, 58 વર્ષ માટે 33.40 લાખ રૂપિયા અને 60 વર્ષ માટે 34.60 લાખ રૂપિયાનુ મેચ્યોરિટી બેનિફિટ મળશે. ગ્રામ સુરક્ષા યોજના હેઠળ આ રકમ વ્યક્તિના 80 વર્ષ થવા પર તેને સોંપી દેવામાં આવે છે. ત્યાં જ જો આ વચ્ચે વ્યક્તિનું મોત થઈ જાય છે તો આ રકમ તેમના નોમિનીને આપી દેવામાં આવે છે.
આ ઉપરાંત ગ્રાહક 3 વર્ષ બાદ પોલિસી સરેન્ડર કરવાનો વિકલ્પ પસંદ કરી શકે છે. જોકે તેવી સ્થિતિમાં તેને કોઈ લાભ નહીં મળે. પોલિસીનું સૌથી મોટુ આકર્ષણ ઈન્ડિયા પોસ્ટની તરફથી આપવામાં આવતુ બોનસ છે અને અંતિમ જાહેર કરેલુ બોનસ 60 વર્ષ પછી પ્રતિ વર્ષ 1,000 રૂપિયા નક્કી કર્યું છે.