તમારા કામનું / સિનિયર સિટીઝનને હવે નહીં થવું પડે પરેશાન, પોસ્ટ ઓફિસમાં ગયા વગર જ ઉપાડી શકશે પૈસા

• પોસ્ટ ઓફિસ એકાઉન્ટમાંથી પૈસા ઉપાડવા થયા વધુ સરળ 
• જાણો સિનિયર સિટિઝન માટે શું નિયમો બદલાયા 
• પોસ્ટ ઓફિસમાં જવાની નહીં પડે જરૂર

પોસ્ટ ઓફિસ એકાઉન્ટમાંથી પૈસા ઉપાડવા હવે વધુ સરળ થઈ ગયા છે. પોસ્ટ ઓફિસે વધુ ઉંમર અથવા કોઈ અન્ય કારણથી પોતે આવીને ખાતામાંથી પૈસા ન ઉપાડી શકે તેવા સીનિયર સિટિઝન માટે નિયમ વધુ સરળ બનાવી દીધા છે. સીનિયર સિટીઝનને કોઈ અધિકૃત વ્યક્તિ દ્વારા પણ એકાઉન્ટમાંથી રકમ ઉપાડવા અથવા એકાઉન્ટ બંધ કરવાની પરવાનગી હશે. જોકે ડિપોઝિટર્સની રકમની સુરક્ષા માટે ડિપાર્ટમેન્ટ ઓફ પોસ્ટે પોસ્ટ ઓફિસ અને એકાઉન્ટ હોલ્ડર્સ માટે ગાઈડલાઈન્સ જાહેર કરી છે. 

ફોર્મ 12માં અરજી કરવાની રહેશે 
પોસ્ટ ઓફિસમાં એકાઉન્ટ હોલ્ડર સંબંધિત પોસ્ટમાસ્ટરને ફોર્મ 12માં એક અરજી આપવાની રહેશે. જેના દ્વારા એકાઉન્ટમાંથી પૈસા ઉપાડાવ, લોન અથવા એકાઉન્ટને બંધ કરવા માટે એક વ્યક્તિને અઘિકૃત કરવામાં આવશે. તે વ્યક્તિની સાહી એકાઉન્ટ હોલ્ડર વેરિફાઈ કરશે. જો એકાઉન્ટ જોઈન્ટ છે તો બન્ને એકાઉન્ટ હોલ્ડર્સમાંથી કોઈ અધિકૃત વ્યક્તિની સહીનું વેરિફિકેશન કરી શકે છે. અધિકૃત વ્યક્તિ પોસ્ટ ઓફિસનું એજન્ટ અથવા કર્મચારી હોવું જોઈએ. 

દસ્તાવેજોની પુષ્ટિ કરવામાં આવશે 
એકાઉન્ટ હોલ્ડરને અધિકૃત વ્યક્તિએ પોતે જ વેરિફાઈ કરવાનો રહેશે અને પ્રમાણીત કોપી આપવાની રહેશે. અધિકૃત વ્યક્તિ દ્વારા એકાઉન્ટમાંથી વિડ્રોલ અને અન્ય કાર્યોની પરવાનગી આપ્યા પહેલા દસ્તાવેજોની પુષ્ટિ કરવાની રહેશે.