opec દેશોએ ક્રુડ ઓઈલનું ઉત્પાદન વધારવા અંગેનો કરાર કર્યો હોવાથી આવનારા દિવસોમાં પેટ્રોલ અને ડીઝલના મોંઘા ભાવથી રાહત મળી શકે છે.
opec દેશોએ ક્રુડ ઓઈલનું ઉત્પાદન વધારવા અંગેનો કરાર કર્યો
આગામી દિવસોમાં ઘરેલુ સ્તરે ઈંધણના ભાવો ઘટી શકે છે
ભારત માટે સારી ખબર, આયાત બીલમાં પણ ઘટાડો થશે
દેશમાં આજે જ્યારે પેટ્રોલ અને ડીઝલના ભાવો આસમાન છે ત્યારે આ ખબર રાહતરુપ બની શકે છે. આંતરરાષ્ટ્રીય સ્તરે ક્રુડ ઓઈલના ભાવમાં ઘટાડો થવાની ધારણા છે.
ઓઈલ ઉત્પાદક દેશો હવે ક્રુડ ઓઈલનું ઉત્પાદન વધારશે
સૂત્રોના જણાવ્યાનુસાર સાઉદી અરબ અને સંયુક્ત આરબ અમીરાતની વચ્ચે એક ડીલ થઈ છે જેમાં ક્રુડ ઓઈલના પ્રોડક્શનમાં ઘટાડો કરવાની વાત કરવામાં આવી હતી. પરંતુ હવે ઓપેક દેશોએ વિશ્વભરમાં ક્રૂડ ઓઈલનું ઉત્પાદન વધારવા અંગે તૈયારી દર્શાવી છે.
ઓપેક દેશોએ જુન-જુલાઈમાં રેકોર્ડબ્રેક ક્રુડ ઓઈલનું ઉત્પાદન કર્યું
જુન મહિનામાં તેલ ઉત્પાદક દેશોએ ક્રુડ ઓઈલનું ઉત્પાદન 5, 90, 000 બેરલ વધારીને 2.60 કરોડ બેરલ કરી દીધુ હતું. જુલાઈમાં પણ ક્રુડ ઓઈલનું ઉત્પાદન વધ્યું છે અને ઓગસ્ટમાં પણ ક્રુડ ઓઈલનું ઉત્પાદન વધશે. દુનિયાભરમાં કોરોનાવાયરસના ડેલ્ટા વેરિયન્ટનું સંક્રમણ વધી રહ્યું છે અને તેને કારણે ક્રુડ ઓઈલનની માગ પર ફરી વાર અસર પડવાની સંભાવના છે.
ભારતનું આયાત બીલ અને ઈંધણના છૂટક ભાવો ઘટશે
વિશેષજ્ઞોનું અનુમાન છે કે ક્રુડ ઓઈલનું ઉત્પાદન વધવાને કારણે તેનો ભાવ પ્રતિ બેરલે 70 ડોલરથી નીચે આવી શકે છે. એક ઓઈલ એક્સપર્ટે જણાવ્યું કે આગામી દિવસોમાં ગ્લોબલ માર્કેટમાં ક્રુડ ઓઈલના ભાવમાં ઘટાડાનો સંકેત છે. આ ભારત માટે સારા સમાચાર હોઈ શકે તેનાથી ફક્ત ભારતનું આયાત બીલ જ ઓછું નહીં થાય પરંતુ ઈંધણના છૂટક ભાવો ઘટાડવામાં મદદ મળી શકે છે.