અમદાવાદ / બોપલમાં ચાલતા ઈન્ટરનેશનલ ક્રિકેટ સટ્ટા રેકેટનો પર્દાફાશઃ દસ બુકીઓ ઝડપાયા

• ઝડપાયેલા આરોપીઓનું ઈન્ટરનેશનલ બુકીઓ સાથે કનેકશન
• બોપલમાં આવેલ ઓ‌િર્ચડ એ‌િલગન્સ એપાર્ટમેન્ટમાંથી પકડાયા બુકી
• 20 બુકીઓ પકડાયા હોવાની ચર્ચા

બોપલ પોલીસ સ્ટેશનના પોલીસ ઇન્સ્પેક્ટર એ.એમ. બ્રહ્મભટ્ટને બાતમી મળી હતી કે સાઉથ બોપલમાં આવેલ ઓ‌િર્ચડ એ‌િલગન્સ એપાર્ટમેન્ટના ઇ બ્લોકના ફ્લેટ નંબર-૬૦૩માં મોટા પાયે કેટલાક લોકો ક્રિકેટ સટ્ટો રમાડી રહ્યા છે. બાતમીના આધારે એ.એમ. બ્રહ્મભટ્ટે તેમની ટીમ તૈયાર કરી હતી અને પ્લાનિંગ સાથે ફ્લેટ નંબર-૬૦૩માં મોડી રાતે દરોડા પાડ્યા હતા. દરોડા પાડતાંની સાથે ફ્લેટમાં અફરાતફરીનો માહોલ સર્જાયો હતો. ફ્લેટમાં ૧૦ બુકીઓ હતા, જે બોબડી લાઇનથી ગ્રાહકોને ક્રિકેટ સટ્ટો રમાડતા હતા. 

બાંગ્લાદેશ પ્રી‌મિયર લીગ પર રમાયો સટ્ટો

પોલીસે દરોડા દરમિયાન ૮૮ મોબાઇલ ફોન, પાંચ લેપટોપ તેમજ બે એલઇડી ટીવી જપ્ત કર્યાં છે અને તમામ બુકીની ધરપકડ કરી છે. થોડાક દિવસ પહેલાં બુકીઓએ ઇ‌િન્ડયા અને વેસ્ટ ઇન્ડીઝ વચ્ચે રમાયેલી ટી-ર૦ ઉપર પણ ક્રિકેટ સટ્ટો રમાડ્યો હતો, જેમાં તેમણે કરોડો રૂપિયાનું ટ્રાન્ઝેક્શન કર્યું હતું જ્યારે હાલ બાંગ્લાદેશ પ્રી‌મિયર લીગ ચાલી રહી છે, જેમાં તે ક્રિકેટ સટ્ટો રમાડતા હતા. પોલીસે દસેય બુકી વિરુદ્ધમાં ગુનો દાખલ કરીને તપાસ શરૂ કરી છે. પોલીસને શંકા છે કે ક્રિકેટ સટ્ટા બે‌િટંગનો કારોબાર ચલાવનાર મિલન ઠક્કરના ઇશારે આ રેકેટ ચાલતું હતું.  

ધવલ ગોવિંદભાઇ ઠક્કર બોબડી લાઇન ચલાવતો હતો

બોપલ પોલીસ સ્ટેશનના પોલીસ ઇન્સ્પેક્ટર એ.એમ. બ્રહ્મભટ્ટે જણાવ્યું છે કે ધરપકડ કરાયેલા તમામ આરોપીઓ પૈકી ધવલ ઠક્કર બોબડી લાઇન ચલાવતો હતો. બોબડી લાઇન એટલે જો કોઈ બુકીને બોબડી લાઈનની સર્વિસ જોઈતી હોય તો તે ઓપરેટરનો મોબાઇલ ફોન દ્વારા સંપર્ક કરે છે. ત્યાર પછી ઓપરેટર તેને એક ‌સિમકાર્ડ કુરિયર કરે છે. મેચ શરૂ થાય એટલે બુકીએ ‌િસમકાર્ડ દ્વારા ઓપરેટરને ફોન જોડવાનો રહે છે. ફોન જોડાય તે સાથે તેણે પોતાના મોબાઇલને મ્યુટ કરી દેવો પડે છે. મેચ દરમિયાન ફોન ચાલુ રહે છે અને સામા છેડેથી બોબડી લાઈન ઓપરેટર સતત સ્કોર અને તેના ભાવ બોલતો રહે છે. આ સર્વિસ મેળવવા માટે બુકીને દર મહિને ૧પ૦૦ રૂપિયા ચૂકવવા પડે છે.

ર૦ બુકીઓ પકડાયા હોવાની ચર્ચા 

પોલીસને બાતમી આપનાર બાતમીદારે પોતાનો ફોન ‌િસ્વચ ઓફ કરી દીધો છે. બુકીઓમાં ચર્ચા છે કે પોલીસે જે દરોડા પાડ્યા તેમાં ર૦ બુકી હતા અને ર૦૦ જેટલા મોબાઇલ ફોન હતા, જોકે પોલીસે માત્ર દસ બુકી વિરુદ્ધમાં ગુનો દાખલ કર્યો છે અને ૮૮ મોબાઇલ ફોન જપ્ત કર્યા હોવાનું બતાવ્યું છે. 

ધરપકડ કરાયેલા આરોપી

રાહુલ ભરતભાઇ ઠક્કર, ધવલ ગોવિંદભાઇ ઠક્કર, ધીમંત પ્રદીપભાઇ શિલુ, નરસંગ લખીલરામ બ્રાહ્મણ, ‌‌િમહિર રમેશભાઇ ઠક્કર, અણમોલ રમેશકુમાર ઠક્કર, કૃણાલ ભરતભાઇ ઠક્કર, કલ્પેશ હસમુખ ઠક્કર (તમામ રહે. ઇ-૬૦૩, ઓ‌િર્ચડ એ‌િલગન્સ), ધીરેન તેજચંદ ઠક્કર (રહે. શક્તિનગર-થરા, બનાસકાંઠા) કિશોર કુશાલદાસ ગંગવાણી (રહે. ગાયત્રી મંદિર, નવા ડીસા)ની ધરપકડ કરાઇ છે.