અદાણી ગ્રુપ ભારતનું સૌથી મોટું પ્રાઇવેટ એરપોર્ટ ડેવલપર, પ્રાઇવેટ પોર્ટ ડેવલપર, પ્રાઇવેટ પાવર જનરેટર અને વિશ્વની સૌથી મોટી ગ્રીન કંપની (પર્યાવરણને સૌથી ઓછું નુકશાન કરતી ઉર્જા ઉત્પાદન કંપની) બની ગઈ છે.
ગૌતમ અદાણી, 15 અબજ ડોલરના અદાણી ગ્રુપના ચેરમેન છેલ્લા 6 વર્ષથી વિકાસના શિખરો સર કરી રહ્યા છે. 2014માં ઓરિસ્સાના ધર્મા પોર્ટને ખરીદી લીધા પછી તેમણે પાછળ જોયું નથી. ત્યાર બાદ અદાણીએ પોર્ટ, પાવર પ્રોજેક્ટ, એરપોર્ટ અને બીજા ઈન્ફ્રાસ્ટ્રક્ચર એસેટમાં મોટા પ્રમાણમાં ઇન્વેસ્ટમેન્ટ કર્યું છે.
આ વર્ષે જૂન મહિનામાં વિશ્વનો સૌથી મોટો સોલાર પ્રોજેક્ટ અદાણી ગ્રુપે શરુ કર્યો છે જેમાં આ 8 ગિગાવોટ જેટલી ઉર્જાનું ઉત્પાદન કરવામાં આવશે જેની કિંમત આશરે 6 અબજ ડોલર એટલે કે 45,000 કરોડ રૂપિયા જેટલી છે. ગયા વર્ષે અદાણીએ દેશના 6 એરપોર્ટ ડેવલપમેન્ટને પોતાને હસ્તક કરી દીધા.
સૌથી અગત્યની વાત એ છે કે 30 માર્ચ 2014ના રોજ તેમની સંપત્તિ 5.1 અબજ ડોલર હતી જે સપ્ટેમ્બર 2020માં વધીને 16.7 અબજ ડોલર થઇ ગઈ છે. તેમનો મોટાભાગનો ગ્રોથ છેલ્લા એક વર્ષમાં થયો છે. મે 2019માં ભાજપની બીજી ટર્મ શરુ થયા પછી અદાણીની અંગત સંપત્તિ બમણી થઇ ગઈ છે.
અદાણીએ એક્વાયર કરેલા પ્રોજેક્ટ્સ
તારીખ
પ્રોજેક્ટ
કિંમત (કરોડ રૂપિયા)
વેચાણકર્તા
May 14
ધર્મા પોર્ટ
5500
L&T / ટાટા
Nov 14
કોબ્રા વેસ્ટ પાવર
4200
અવંથ પાવર
Apr 15
UPUPI પાવર
6300
લાન્કો ઇન્ફ્રાટેક
Oct 16
WRSSS B&C ટ્રાન્સમિશન
1000
રિલાયન્સ ઇન્ફ્રા
Jun 18
કટ્ટુપલ્લકી પોર્ટ
2000
L&T
Aug 18
મુંબઈ ઇન્ટીગ્રેટેડ પાવર
18800
રિલાયન્સ ઇન્ફ્રા
Aug 19
GMR છત્તીસગઢ એનર્જી
3530
GMR ગ્રુપ
Aug 19
205 MW સોલર એસેટ્સ
1300
એસ્સેલ ગ્રુપ
Sep 19
બિકાનેર ખેરી ટ્રાન્સમિશન
-
PFC કન્સલ્ટીંગ
Jan 20
ક્રિશ્નાપટ્ટનમ પોર્ટ
13500
CVR ગ્રુપ
Mar 20
DIGHI પોર્ટ
650
બાલાજી ઇન્ફ્રાપ્રોજેક્ટ
Jun 20
ઓડિશા પાવર જનરેશન
1020
AES કોર્પ
Jul 20
અલીપુરદુઅર ટ્રાન્સમિશન
1286
કલ્પતરુ પાવર
Aug 20
MIAL & NMIAL
15000
GVK ગ્રુપ
પોર્ટ
- દેશનો એક ચતુર્થાંશ કાર્ગો હેન્ડલ અદાણી પાસે
- ગુજરાત સહિત 6 રાજ્યોમાં 10 ડોમેસ્ટિક પોર્ટ્સ અદાણીને હસ્તક
- ભારતના પહેલા પોર્ટ ઓપરેટર જે 200 મિલિયન મેટ્રિક ટન જેટલું કાર્ગો હેન્ડલ કરે છે
એનર્જી
- ગુજરાત, મહારાષ્ટ્ર, કર્ણાટક, રાજસ્થાન, ઓડિશા અને છતીસગઢમાં કુલ 14,000 MW જેટલા થર્મલ પાવરનું ઉત્પાદન
- એનર્જીનો અડધો ગ્રોથ છેલ્લા 6 વર્ષમાં થયો
ગ્રીન એનર્જી
- 2015માં ભારતે 175 GW પુન:પ્રાપ્ય ઉર્જા 2022 સુધી ઉત્પાદિત કરવાનો પેરિસ કલાઇમેટ ચેન્જ કોન્ફરન્સમાં સંકલ્પ લીધો હતો
- અદાણી ગ્રીન એનર્જીએ 2022 સુધી 10,000 મેગાવોટ સૌરઉર્જા પેદા કરવાનો ટાર્ગેટ રાખ્યો છે
- આ વર્ષે જૂન મહિનામાં વિશ્વનો સૌથી મોટો સોલાર પ્રોજેક્ટ અદાણી ગ્રુપે શરુ કર્યો
- આ 8 ગિગાવોટ જેટલી ઉર્જાનું ઉત્પાદન કરવામાં આવશે જેની કિંમત આશરે 6 અબજ ડોલર એટલે કે 45,000 કરોડ રૂપિયા જેટલી
એરપોર્ટ
- મુંબઈ ઇન્ટરનેશનલ એરપોર્ટ સાથે અદાણી દેશનું સૌથી મોટું એરપોર્ટ ઓપરેટર
- હાલ અમદાવાદ, લખનૌ, મેંગ્લોર, જયપુર, ત્રિવેન્દ્રમ અને ગુવાહાટી એમ 6 એરપોર્ટનું ઓપરેશન સાંભળી રહ્યા છે
- સરકાર વારાણસી, અમૃતસર, ભુવનેશ્વર, ત્રિચી, રાયપુર અને ઇન્દોરનું પણ ખાનગીકરણ કરવા જઈ રહી છે જેની ઉપર અદાણીની નજર
નોંધનીય બાબત છે કે અદાણીની કારકિર્દીની શરૂઆત મુંબઈમાં ડાયમંડ ટ્રેડર તરીકે થઈ હતી. ત્યાર બાદ તેમણે અમદાવાદમાં અદાણી એક્સ્પોર્ટ્સ લિમિટેડની શરૂઆત કરી હતી.