છેલ્લા કેટલાક દિવસોથી સ્માર્ટફોનમાં આગ લાગવાની અને ફાટવાની ખબરો સામે આવી રહી છે. છેલ્લા અઠવાડિયે મુંબઈમાં એક વ્યક્તિના ખિસ્સામાં રાખેલા મોબાઈલમાં આગ લાગી હતી ત્યારબાદ સોમવારે અમેરિકામાં એક કારમાં બે સ્માર્ટફોનમાં આગ લાગવાનની રિપોર્ટ આવી હતી જ્યારે હવે બસમાં સફર કરી રહેલા એક વ્યક્તિની બેગમાં રાખેલી પાવર બેન્કમાં આગ લાગવાનો વીડિયો વાયરલ થઈ રહ્યો છે.
કહેવામાં આવી રહ્યુ છે કે આ વીડિયો ચીનનો છે. વીડિયોમાં ચોખ્ખુ દેખાય છે કે બસમાં ઘણા લોકો બસેલા છે. અચાનક એક વ્યક્તિની બેગમાં આગ લાગી જાય છે અને ત્યારબાદ તે બેગને બહાર ફેંકી દે છે. બસમાં બેસેલા અન્ય યાત્રિઓમાં અફરાતફરી મચી જાય છે જો કે આ ઘટનામાં જાનહાનીના કોઈ સમાચાર નથી.
જણાવી દઈએ કે સોમવારે એક વીડિયો વાયરલ થયો હતો જેમાં એક સ્માર્ટફોનમાં આગ લાગવાને કારણે એક કાર બળીને ખાખ થઈ જાય છે અને આ ઘટનામાં કારમાં બેઠેલી મહિલાનો જીવ માંડ-માંડ બચે છે. આ ઘટના અમેરિકાના ડટ્રોટની છે જ્યાં એક મહિલા કારમાં સફર કરી રહી હતી અને અચાનક મોબાઈલ ફોનમાં આગ લાગે છે. આગ લાગવાની ઘટના બાદ મહિલા કારને રસ્તાની બાજુમાં ઉભી
રાખીને તરત પોતાનો જીવ બચાવી ઉતરી જાય છે. આ ઘટનામાં કાર બળીને ખાખ થઈ જાય છે.