હેલ્થ ઇન્સ્યોરન્સ પોર્ટેબિલિટી દ્વારા આપણે પોતાની પોલિસીને એક કંપનીમાંથી બીજી કંપનીમાં સરળતાથી બદલી શકીએ છીએ
હેલ્થ પોલિસીને મોબાઈલ નંબરની જેમ કોઈપણ અન્ય કંપનીમાં બદલી શકો છો
સામાન્ય અને વિશિષ્ટ વીમા કંપનીમાં પોલિસી પોર્ટ કરી શકો છો
ફેમિલી અને ઇન્ડિવિઝ્યુઅલ બંને સ્વાસ્થ્ય પોલિસીઓને પોર્ટ કરી શકો છો
આજકાલ બદલાતી લાઇફસ્ટાઇલમાં સ્વાસ્થ્યને લગતી સમસ્યાઓ પણ વધી છે. તેવામાં હેલ્થ પોલિસી લેવી ખૂબ જ જરુરી છે. પરંતુ પોલિસી લેતી વખતે ઘણી વાતો છે જેની નોંધ લેતા નથી. ત્યાર બાદ તેનો પછતાવો પોલિસી ક્લેમ કરતી વખતે થાય છે. જો તમે તમારી હેલ્થ પોલિસીમાં ચૂકવવાના પ્રીમિયમ વિશે પણ ચિંતિત છો અથવા પોલિસીનો ક્લેમ કરવાની સમસ્યાનો સામનો કરી રહ્યા છો, તો આવો જાણીએ કે હેલ્થ પોલિસીને પોર્ટ કરવાની સરળ રીત...
હેલ્થ ઇન્સ્યોરન્સ પોર્ટેબિલિટી દ્વારા આપણે પોતાની પોલિસીને એક કંપનીમાંથી બીજી કંપનીમાં સરળતાથી બદલી શકીએ છીએ. જેના માટે કોઈ ચાર્જ પણ ચૂકવવો પડતો નથી. ખૂબ જ સરળ રીતે, તમે તમારી હેલ્થ પોલિસીને મોબાઈલ નંબરની જેમ કોઈપણ અન્ય કંપનીમાં બદલી શકો છો.
પોલિસી રિન્યૂ કરાવતી વખતે કરો પોર્ટ
ઉલ્લેખનીય છે કે તમામ પ્રકારની હેલ્થ પોલિસીને પોર્ટ કરવી શક્ય નથી. તમે માત્ર એક સામાન્ય અને વિશિષ્ટ(સ્પેશલાઇઝ્ડ) વીમા કંપનીમાંથી બીજી સામાન્ય અને વિશિષ્ટ વીમા કંપનીમાં પોલિસી પોર્ટ કરી શકો છો. પોલિસી હોલ્ડર રિઈમ્બર્સમેન્ટ હેલ્થ પ્લાનને અન્ય રિઈમ્બર્સમેન્ટ પ્લાન( Reimbursement Health Plan)માં પોર્ટ કરી શકે છે અથવા એક ટોપ અપ પ્લાનને બીજા ટોપ અપ પ્લાનમાં પોર્ટ કરી શકો છો. પરંતુ તમે પોલિસીની મુદત દરમિયાન તમારી હેલ્થ પોલિસીને પોર્ટ કરી શકતા નથી. તેથી ધ્યાનમાં રાખો કે જ્યારે તમે તમારી પોલિસીને અન્ય કંપનીમાં પોર્ટ કરવા માંગો છો, તો તમારે પોલિસી રિન્યુઅલ સમયે પોર્ટ કરી શકાય. તમે ફેમિલી અને ઇન્ડિવિઝ્યુઅલ બંને સ્વાસ્થ્ય પોલિસીઓને પોર્ટ કરી શકો છો.
ઇન્સ્યોરન્સ પોર્ટેબિલિટીનો શું છે ફાયદોઃ
સૌ પ્રથમ તમારે પોલિસી રિન્યુઅલના 45 દિવસ પહેલા નવી વીમા કંપનીને અરજી કરવી પડશે.
ત્યાર બાદ નવી કંપની દ્વારા તમને એક પ્રસ્તાવ અને પોર્ટેબિલિટી ફોર્મ મોકલવામાં આવશે. જેમાં તમારે પોલિસી હોલ્ડરનું નામ, ફોન નંબર, ઈ-મેલ વગેરે વિગતો ભરવાની રહેશે.
પછી નવી વીમા કંપની તમારી હાલની હેલ્થ પોલિસી કંપનીનો સંપર્ક કરે છે.
જો IRDAI હેલ્થ ઈન્સ્યોરન્સના કોમન ડેટા શેરિંગ પોર્ટલ પર તમારી પોલિસી વિશેની સંપૂર્ણ માહિતી ઉપલબ્ધ ન હોય, તો તમારી હેલ્થ ઈન્સ્યોરન્સ પોર્ટેબિલિટીને રોકી શકાય છે.
જો નવી વીમા કંપની તમારી પોલિસીના જરૂરી ડોક્યુમેન્ટ્સ મળે જાય છે, તો પછીના 15 દિવસમાં તમને સ્વાસ્થ્ય વીમા પોર્ટેબિલિટી વિનંતીને એક્સેપ્ટ અથવા રિજેક્ટ કરવા વિશે જાણ કરવામાં આવશે.
હેલ્થ ઇન્સ્યોરન્સ પોર્ટ કરવાનો ફાયદોઃ
જો ઉતાવળમાં લીધેલી પોલિસી હવે તમારી જરૂરિયાતોને અનુરુપ નથી, તો વીમા પોર્ટેબિલિટી પોલિસીહોલ્ડરને તેની બદલાતી જરૂરિયાતો અનુસાર પોલિસી પસંદ કરવાની તક આપે છે, જે તેને સારું કવર અને ફાયદો આપે છે.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.