શું એકલવ્ય કોઈ દૈવી પાત્ર હતું? શું કોઈ મનુષ્ય પણ ખરી શ્રદ્ધાથી સંપૂર્ણ શિસ્તથી અધ્યયન કરીને કોઈ ગુરુ વગર કોઈ કળામાં મહારત હાસિલ કરી શકે? ગોળાફેંકની ખેલાડી 21 વર્ષીય પોરબંદર જિલ્લાની વતની રંભી તેનું દ્રષ્ટાંત છે.
કોઈ પણ કોચની મદદ લીધા વગર રંભીએ આ ખેલમાં માસ્ટરી મેળવી છે. તેની કુશળતાના પગલે તેને રાજ્ય સરકાર દ્વારા આયોજિત ખેલ મહાકુંભ 2019માં પ્રથમ ઇનામ અને રૂપિયા 21500 મળ્યા છે.
યુટ્યુબની મદદથી શીખી ગોળાફેંક
રંભી કહ્યું હતું કે તેણે પોતાના ફોનમાં યુટ્યુબ ઉપર વીડિઓ જોઈ જોઈને અલગ અલગ ટેક્નિક્સ અને મૂવ્સ ધ્યાનથી જોઈ જોઈને શીખ્યા હતા. રંભી પોતાના ખેતરમાં વહેલી સવારે અને સાંજે મહિનાઓથી પ્રેક્ટિસ કરતી હતી. તેણે ખેલ મહાકુંભ 2019માં 5.5 કિલોનો લોખંડનો ગોળો ફેંકવાની સ્પર્ધા જીતી હતી.
રંભી પરવાડા ગામની વતની છે જે પોરબંદર થી આશરે 35 કિમી દૂર છે. ગોળાફેંક ઉપરાંત તે ડિસ્ક થ્રો પણ વીડિયોઝ ઉપરથી શીખી. તેણે 2017ના ખેલમહાકુંભમાં ડિસ્ક થ્રોમાં બીજું ઇનામ મેળવ્યું હતું અને 2018માં તેને આ રમતોમાં અનુક્રમે પ્રથમ અને બીજું ઇનામ જીતી હતી.
માતા પિતાને ગૌરવ છે પોતાની વહાલસોયી પુત્રી ઉપર
મારી દીકરી ઉપર મને ગૌરવ છે. તેને નાનપણથી જ સ્પોર્ટ્સમાં રસ હતો. એમાં પણ ડિસ્ક થ્રો અને ગોળાફેંક તો તેની પ્રિય રમતો છે. અમે તેને હંમેશા આ માટે પ્રોત્સાહિત કરી છે. મને ખુશી છે કે ખેલ મહાકુંભ જેવા પર્વોમાં તેની સિદ્ધિઓને ઓળખ મળી છે. આ રંભીના પિતા દેવસી સિદાના શબ્દો છે.