દૂર્ઘટના / પોરબંદર નગરપાલિકાની ઘોર બેદરકારીઃ રોડ બંધ કર્યા વગર થાંભલાને પાડવા જતા જોખમાઇ જિંદગી

• પોરબંદર નગરપાલિકાની ઘોર બેદરકારી સામે આવી
• સ્ટ્રીટ લાઈટના થાંભલા પાડવા સમયે પાલિકાની બેદરકારી આવી સામે
• રોડ બંધ કર્યા વગર થાંભલાને પાડવા જતા જોખમાઈ જિંદગી

પ્રાપ્ત મળતી વિગત અનુસાર ગઇકાલે પોરબંદર નગરપાલિકા દ્વારા ખોજાખાના વિસ્તારમાં સ્ટ્રીટ લાઇટનો થાંભલો રીપેરીંગ કરવામાં આવી રહ્યો હતો. જો કે સ્ટ્રીટ લાઇટના થાંભલા પાડવા સમયે નગરપાલિકાની ઘોર બેદરકારી સામે આવી હતી. પાલિકા દ્વારા રોડ બંધ કરવામાં ન આવતા સ્ટ્રીટ લાઇટનો થાંભલો રીપેરીંગ કરતા સમયે પડયો હતો.

જેને કારણે એક પરિવાર સાથે બાળકની જીંદગી માંડ-માંડ બચી હતી. પાલિકા દ્વારા રોડ બંધ કર્યા વગર થાંભલાનું સમારકામ કરવામાં આવી રહી હતું ત્યારે સદ્દનસીબે વાહનચાલક અને તેના પરિવારનો જીવ જતા બચ્યો હતો.

આમ સવાલ એ થાય છે કે શું પાલિકાએ વરસાદી માહોલ વચ્ચે સ્ટ્રીટ લાઇટના થાંભલાનું રીપેરીંગ કે અન્ય કામ કરવામાં આવી રહ્યું હોય ત્યારે આગળથી રોડ બંધ કરવો જોઇએ કે નહીં ? પાલિકાની આવી ઘોર બેદરકારીના લીધે અનેક જીંદગીઓ જોખમાઇ છે. જો ગઇકાલની દૂર્ઘટનામાં જો પરિવારને કંઇક થયું હોત તો કોણ જવાબદાર?

સળગતા સવાલો 

• પોરબંદરના પાલિકાની ઘોર બેદરકારીથી કોઈનો જીવ ગયો હોત તો?
• શું રસ્તો બંધ કરીને કામગીરી ન કરી શકાય?
• આવી ઘોર બેદરકારી માટે જવાબદાર કોણ?
• વાહનચાલકને કંઈ થયું હોત તો ?
• રોડ બંધ કર્યા વિના જ થાંભલા ઉતારવાની કામગીરી કેમ કરાઈ?