પોરબંદર ઉપલેટામાં સાસંદ રમેશ ધડુકનો વીડિયો વાઈરલ થયો છે. ખનીજની ચોરીથી અજાણ હોવાનો વીડિયોમાં ઉલ્લેખ કરી રહ્યા છે. આ વીડિયો સોશિયલ મીડિયામાં આગની જેમ ફેલાઈ રહ્યો છે ત્યારે આ અંગે પ્રશ્ન પણ ઉઠી રહ્યા છે કે શું સાસંદ કાર્યવાહી કરવા નથી માંગતા?
ખાણ ખનીજની ચોરીથી સાંસદ અજાણ!
શું સાંસદ કાર્યવાહી કરવા માગતા નથી
સાંસદ કેમ અજાણ બને છે?
ઘણીવાર પ્રજાએ જ ચૂંટેલા પ્રતિનિધિઓ પ્રજાના પ્રશ્નોના જવાબ આપવા અને મેળવવાને બદલે બીજુ જ કામ કરતા હોય છે ત્યારે તેમની જાણ બહાર જ તેમની આ બેદરકારી લોકો સામે આવી જતી હોય છે આવુ જ કંઈક ઉપલેટાના સાસંદ રમેશ ધડુકાના મામલામાં બન્યુ છે. ખનીજ ચોરી મામલે તે અજાણ હોવાનો ડોળ કરી રહ્યા હોવાનું ચર્ચાઈ રહ્યુ છે અને આ મામલે વીડિયો વાઈરલ થયો છે.
શું કહ્યુ રમેશ ધડુકે
રમેશ ધડુકે જણાવ્યુ હતુ કે, ક્યાં ખાણ ખનીજની ચોરી થાય છે મને ખ્યાલ નથી. હું હજુ નવો-નવો સાંસદ છું. ખાણ ખનીજની ચોરી પર તંત્ર કાર્યવાહી કરે છે. ઉપલેટાના કાર્યક્રમમાં રમેશ ધડુકે આવુ નિવેદન આપતા ચકચાર મચી ગઈ છે.
ખાણ ખનીજની ચોરીથી સાંસદ અજાણ!
આ વીડિયો બાદ એવી ચર્ચાએ જોર પકડ્યુ છે કે શું સાંસદ ખરેખર ખાણ ખનીજ ચોરીથી અજાણ હતા? શું સાંસદ કાર્યવાહી કરવા માગતા નથી? સાંસદ કેમ અજાણ બને છે?