પૈસાનો વરસાદ થતો હોય તેવી તસ્વીરો ફરીવાર સૌરાષ્ટ્રથી સામે આવી છે. પોરબંદરના રાણાવાવ ખાતે ડાયરાના આયોજનમાં પૈસાનો વરસાદ કરવામાં આવ્યો હતો.
પોરબંદરમાં ડાયરામાં પૈસાનો વરસાદ
MLA કાંધલ જાડેજાએ ઉડાવ્યા પૈસા
કિર્તિદાન ગઢવી પર કરાયો પૈસાનો વરસાદ
આ વખતે ડાયરામાં કલાકારો પર પૈસાનો વરસાદ કરનાર કોઈ સામાન્ય નાગરિક નહી પણ ખૂદ ધારાસભ્ય હતા. કુતુયાણાના ધારાસભ્ય કાંધલ જાડેજાએ ડાયરામાં કલાકારો પર નોટોનો વરસાદ વરસાવ્યો હતો.
કીર્તિદાન ગઢવી અને દેવરાજ ગઢવી પર પૈસાનો વરસાદ
કાંધલ જાડેજાએ નોટોનો વરસાદ કલાકાર કિર્તિદાન ગઢવી અને દેવરાજ ગઢવી પર વરસાવ્યો હતો. ઉલ્લેખનીય છે કે, ઈન્ટરનેશનલ મહેર સુપ્રીમ કાઉન્સિંલ દ્વારા પોરબંદરના રાણાવાવ ખાતે ડાયરાનુ આયોજન કરવામાં આવ્યુ હતુ.
કાંધલ જાડેજા ભાજપમાં જોડાશે તેવા સમાચારો થયાં છે વહેતા
ભાજપ સૌરાષ્ટ્રના વધુ એક ધારાસભ્યને ભાજપમાં કેસરિયા કરવવા જઈ રહ્યું છે.સૂત્રો તરફથી મળતી માહિતી મુજબ પોરબંદરના કુતિયાણાના ધારસભ્ય કાંધલ જાડેજાને ભાજપના સામેલ કરવા સૌરાષ્ટ્ર પંથકના પૂર્વ મંત્રીએ પ્લાન ઘડીને મિશન પાર પાડ્યું છે.કાંધલ જાડેજા સતત બે ટર્મથી NCP તરફથી કુતિયાણાના ધારાસભ્ય છે...થોડા દિવસો પહેલા મુખ્યમંત્રી ભૂપેન્દ્ર પટેલના સૌરાષ્ટ્ર પ્રવાસ વખતે કાંધલ જાડેજા સતત તેમની સાથે રહ્યાં હતા.
કાંધલે ગાંધીનગર ખાતે મુખ્યમંત્રી ભૂપેન્દ્ર પટેલ અને ભાજપ પ્રદેશ પ્રમુખ સી આર પાટીલ સાથે પણ મુલાકાત કરી છે.ગૃહમંત્રી અમિત શાહ તરફથી લીલીઝંડી મળતાની સાથે જ કાંધલ જાડેજા ભાજપમાં કેસરિયા ધારણ કરશે અને ભાજપ પોતાના બેનર હેઠળ કાંધલ જાડેજાને ટિકિટ પણ આપશે.ત્યારે ગુજરાતમાં સતત નબળા પડતા વિપક્ષને વધુ એક ઝટકો લાગ્યો છે. સૌરાષ્ટ્રમાં કાંધલ જાડેજાની છાપ દબંગ નેતા તરીકેની છે. કાંધલના પરિવારનું પણ સૌરાષ્ટ્ર અને ગુજરાતમાં નામ છે.તેમના માતા પિતાનું પણ સૌરાષ્ટ્ર પંથકમાં ભારે વર્ચસ્વ રહ્યું છે.