Republic day 2022 / VIDEO : પોરબંદરમાં 73માં પ્રજાસતાક પર્વની અનોખી ઉજવણી, મધદરિયે લહેરાયો તિરંગો

• પોરબંદરમાં 73 માં પ્રજાસતાક દિનની અનોખી ઉજવણી
• શ્રીરામ સી સ્વિમિંગ કલબ દ્વારા મધદરિયે તિરંગો લહેરાવાયો
• કડકડતી ઠંડી વચ્ચે કલ્બના સભ્યોએ સમુદ્રમાં કર્યુ ધ્વજવંદન

મધદરિયે રાષ્ટ્રધ્વજને સલામી આપીને તરવૈયાએ કર્યુ રાષ્ટ્રગાન

દેશભરમાં આજે 73માં ગણતંત્ર દિનની ઉજવણી કરવામાં આવી રહી છે. ત્યારે પોરબંદરમાં શ્રીરામ સી સ્વીમીંગ ક્લબના સભ્યો દ્વારા દર વર્ષની માફક આ વર્ષે પણ મધદરિયે જઇ અનોખી રીતે ધ્વજવંદન કરીને આ પર્વની ઉજવણી કરી હતી.

છેલ્લા 22 વર્ષથી પ્રજાસતાક દિને મધદરિયે કરવામાં આવે છે ધ્વજવંદન

પોરબંદરમાં શ્રી રામ સ્વીમીંગ ક્લબના સભ્યો દ્વારા છેલ્લા 22 વર્ષોથી 15મી ઓગસ્ટ અને 26 મી જાન્યુઆરીના રોજ રાષ્ટ્રીય પર્વના દિવસે પોરબંદરના મધદરિયે જઇને ધ્વજવંદન કરીને રાષ્ટ્રગીતના ગાન સાથે તિરંગાને સલામી આપવામાં આવે છે. પોરબંદરવાસીઓ પણ દર વર્ષની માફક આજે પણ આ અનોખી ઉજવણી જોવા માટે અને તિરંગાને સલામી આપવા માટે ચોપાટી ખાતે પહોંચી ગયા હતા.