VIDEO: અમદાવાદીઓ હરખાવ વરસાદ અંગે હવામાન વિભાગે કરી આગાહી

અમદાવાદ: આજે અમદાવાદમાં હળવા વરસાદી ઝાપટા પડી શકે છે. હવામાન વિભાગે વરસાદને લઈ આગાહી કરી છે કે આવતા સપ્તાહમાં ચોમાસાનો વિધિવત પ્રારંભ થવાની શકયતા છે. અને દક્ષિણ ગુજરાતમાં હળવાથી મધ્યમ વરસાદની સંભાવના છે. જયારે સૌરાષ્ટ્ર કચ્છ ઉત્તર ગુજરાતમાં સુકુ વાતાવરણ રહેવાની આગાહી કરવામાં આવી છે. 

ઉલ્લેખનીય છે કે અરબી સમુદ્રમાં રવિવારથી અપર એર સાઇક્લોનિક સરક્યુલેશનનું સર્જન થયું છે. દરિયામાં બનેલ આ સિસ્ટમને કારણે દક્ષિણ ગુજરાતના વાતાવરણમાં પલટો આવ્યો હતો. જ્યારે આજે સવારે વલસાડ વાપી અને સુરત સહિતના શહેરમાં વરસાદી માહોલ સર્જાયો હતો. તો બીજી તરફ ગઇકાલે અમદાવાદના તાપમાનનો પારો હાઇ લેવલ પર પહોંચ્યો હતો અને રાજ્યનું સૌથી હોટ શહેર બન્યું હતું.

ત્યારે હવામાન વિભાગે આગાહી કરતા જણાવ્યું છે કે આજે અમદાવાદમાં હળવાથી મધ્યમ વરસાદ થવાની સંભાવના છે. જો કે અરવલ્લી જિલ્લામાં મેઘરાજાની એન્ટ્રી થઈ હતી. મેઘરજ અને માલપુર સહિતના ગ્રામ્ય વિસ્તારોમાં વરસાદ થઈ છે.સમગ્ર વિસ્તારમાં વરસાદી માહોલને લઈને ખેડૂતોમાં ખુશીનો માહોલ જોવા મળ્યો હતો.

 
આપને જણાવી દઇએ કે હાલ ઉનાળો અંતિમ ચરણમાં ચાલી રહ્યો છે તેમ છતાં ગરમીનો પારો ઘટવાને બદલે વધી રહ્યો છે ત્યારે પ્રજા પણ કાળઝાળ ગરમીથી પરેશાન થઇ ચૂકી અને વરસાદની રાહ જોઇ રહી છે ત્યારે  હવામાન વિભાગ દ્વારા જણાવવામાં આવેલ કે અરબી સમુદ્રમાં ફરીએકવાર નવી સિસ્ટમ સર્જાઇ છે. આ સિસ્ટમનો કારણે આજરોજ રાજ્યના વાતાવરણમાં પલટો જોવા મળ્યો હતો.