દુ:ખદ / 200 ફિલ્મોમાં કામ કરી ચૂકેલા સુપરસ્ટાર કોમેડિયનનું 39 વર્ષની વયે નિધન

તેલૂગુ દેશમ પાર્ટીના ચીફ અને આંધ્ર પ્રદેશના પૂર્વ મુખ્યમંત્રી ચંદ્રબાબુ નાયડૂએ ટ્વીટ કરીને નિધન પર શોક વ્યક્ત કર્યુ હતુ.જોકે હજુ સુધી અંતિમ સંસ્કારથી સંબંધિત કોઇ જાણકારી સામે આવી નથી.

તો બીજી તરફ મીડિયા કન્ટસ્લટન્ટ વામસી કાકાએ ટ્વીટ કરીને જણાવ્યુ કે, એક્ટર વેણુ માધવ આપણા વચ્ચે નથી રહ્યા. ડોક્ટોર અનુસાર, વેણુ માધવે બુધવાર બપોરે 12.20 વાગે અંતિમ શ્વાસ લીધો. વેણુ માધવના આકસ્મિક નિધનના સમાચારથી ટૉલીવૂડ શોકમગ્ન થઇ ગયુ છે. વેણુ માધવના ફેન્સ સોશ્યલ મીડિયા પર તેમણે શ્રદ્ઘાંજલિ આપી રહ્યા છે. 

Actor Venu Madhav Passed away today at 12.20 pm. Both the family members and doctors confirmed it. May his Soul Rest in Peace. #RIPVenuMadhav pic.twitter.com/iPvG5ICLsx

— Vamsi Kaka (@vamsikaka) September 25, 2019

તમને જણાવી દઇએ કે, વેણુ માધવે એક મિમિક્રી આર્ટિસ્ટ તરીકે પોતાના કરિયરની શરૂઆત કરી હતી, જે પછી તેઓ એક કૉમેડિયન તરીકે ફિલ્મોમાં એન્ટ્રી કરી. વેણુ માધવે Sampradayam થી તેલૂગુ ઇન્ડસ્ટ્રીમાં એન્ટ્રી કરી. આ ફિલ્મ 1996માં રિલીઝ થઇ, તેમણે તમિલ અને તેલૂગુમાં લગભગ 200 જેટલી ફિલ્મોમાં કામ કર્યુ છે. વેણુ માધવ છેલ્લે Dr.Paramanandaiah Students (2016 ની શૂટિંગ) કરી હતી.જોકે ફિલ્મ હજુ સુધી રિલીઝ થઇ નથી. 

એક્ટિંગ સિવાય તેઓ છેલ્લા થોડા સમયથી રાજનીતિમાં સક્રિય થયા હતા, વેણુ માધવ તેલૂગુ દેશમ પાર્ટી માટે ચૂંટણી માટે પ્રચાર કર્યો હતો. વેણુ માધવનો જન્મ આંધ્ર પ્રદેશના નલગોંડા જિલ્લાના કોદાદ (Kodad)માં થયો હતો. હાલમાં તેઓ તેલંગાનાના (સૂર્યાપેટ) Suryapet જિલ્લામાં રહેતા હતા.