તારક મહેતા કા ઉલ્ટા ચશ્મામાં ઘણા વર્ષો બાદ પોપટલાલના લગ્નની ખુશખબરી મળી હતી. ગોકુલધામવાસીઓએ ખુશ થઇને બેન્ડવાજા સાથે નાચ ગાન કર્યુ અને પોપટલાલને સ્પેશ્યલ ફીલ થાય તેવો પ્રયત્ન કર્યો પરંતુ શોમાં નવો જ ટ્વિસ્ટ આવવાનો છે. નવી દુલ્હનનું સ્વાગત કરવા લોકો ભેગા તો થયા છે પરંતુ શું તે થઇ શકશે?
ગોકુલધામ સોસાયટીમાં જશ્નનો માહોલ
પોપટલાલના લગ્નની ચર્ચાએ પકડ્યુ જોર
કન્યા પક્ષે રોકાવી દીધું સેલિબ્રેશન
જશ્ન રોકાવી દીધો
ગોકુલધામવાસીઓએ પોપટલાલની દુલ્હનને આવકારવા માટેની દરેક તૈયારી કરી દીધી છે. નવવિવાહીત જોડાના સ્વાગત માટે એક શાનદાર પાર્ટીનું આયોજન પણ કરી દીધુ છે. સમારોહમાં દુલ્હન સાથે તેના માતા પિતા પણ પ્રગટ થઇ જાય છે અને આ જોઇને ગોકુલધામના લોકો ચકિત થઇ જાય છે. છોકરીના પરિવારને ખબર પડતા તે સમારોહને વચ્ચે જ રોકાવી દે છે અને સોસાયટીવાળા પાસે કેટલાક સવાલના જવાબ માંગે છે.
પોપટલાલની દુલ્હન ઐયરની મહેમાન
જે છોકરીને પોપટલાલની દુલ્હન માનવામાં આવતી હતે તે તો બબિતા-ઐયરની મહેમાન છે. જ્યારે તે છોકરી તેના પતિ અને ઘરવાળા સાથે ગોકુલધામમાં પહોંચે છે ત્યારે બબિતા અને ઐયર ઘરે નથી હોતા જેના કારણે તે પોપટલાલના ઘરનો દરવાજો ખટખટાવે છે. પોપટલાલને કહાની સંભળાવીને તેની પાસે મદદ માંગે છે. રાતનો સમય હોવાથી પોપટલાલ પણ મદદ કરી દે છે અને સવારે બબિતા અને ઐયર ઘરે આવવાના હોય છે. આ કારણે ગોકુધામના લોકોને લાગે છે કે પોપટલાલ લગ્ન કરીને આવ્યો છે.
ખોટા વિચારોના શિકાર
એક નાની ભૂલના કારણે ગોકુલધામવાસીઓ ખુબ ખુશ થઇ જાય છે અને જ્યારે તેમને જાણ થાય છે કે આ તો કોઇ અન્ય જ છે જેને તે લોકો પોપટલાલની પત્ની સમજી બેઠા હતા. હવે જ્યારે ખુલાસો થઇ જ ગયો છે ત્યારે ગોકુલધામ સોસાયટીના લોકો સિવાય દર્શકો પણ નિરાશ થઇ ગયા છે.