ફેમસ ટીવી શો તારક મહેતા...ના દર્શકો માટે એક નવી ખુશખબર આવવાની છે. સોશ્યલ મિડીયા પર પોપટલાલના લગ્નની ડિમાન્ડ આવ્યા બાદ શોમાં પોપટલાલના લગ્ન કરાવવામાં આવશે.
પોપટલાલના થઇ જશે લગ્ન
સોશ્યલ મિડીયા પર થઇ રહી હતી ડિમાન્ડ
દયાબેન પણ આવી શકે છે પરત
હવે એવું લાગે છે કે છેલ્લા 12 વર્ષથી લગ્ન માટે રાહ જાતો પોપટલાલનું ઘર હવે વસી જશે.
છોકરીએ પાડી હા
દર વખતે પોપટલાલ લગ્ન માટે તૈયાર થતો હતો પણ લગ્નમાં કોઇ ને કોઇ સમસ્યા આવતી હતી પરંતુ લાગે છે કે આ વખતે પોપટલાલ લગ્ન કરી જ લેશે કારણ કે આ વખતે પોપટલાલે જ નહીં સામેની છોકરીએ હા પણ કહી દીધી છે.
ગોકુલધામમાં આવશે પોપટની દુલ્હનિયા
હાલમાં આવતા એપિસોડમાં એવું બતાવવામાં આવ્યું હતું કે પોપટલાલ પૂજા નામની છોકરીને મળ્યો હતો. આ યુવતી ખાસ કરીને ફક્ત પોપટલાલને મળવા માટે મુંબઈ પહોંચી હતી. બાદમાં ફરી વાર પોપટને મળવાની ઇચ્છા વ્યક્ત કરી હતી. પોપટ ફરીથી લગ્નના સપનામાં ખોવાઈ ગયો છે. આ સાંભળીને ખાલી પોપટ જ નહીં આખી ગોકુલધામ સોસાયટી એક્સાઇટેડ છે અને પૂજાના વેલકમની તૈયારી કરી રહી છે.
થોડા સમય પહેલા પણ લગ્નની આવી હતી વાત
તારક મહેતા...માં થોડા સમય પહેલા પણ પોપટલાલના લગ્નનો એપિસોડ આવ્યો હતો અને ભિડેએ જોયુ હતુ કે પોપટલાલના ઘરમાં કોઇ યુવતી છે જે નવી દુલ્હન જેવી લાગી રહી છે.
જશ્ન રોકાવી દીધો
ગોકુલધામવાસીઓએ પોપટલાલની દુલ્હનને આવકારવા માટેની દરેક તૈયારી કરી દીધી છે. નવવિવાહીત જોડાના સ્વાગત માટે એક શાનદાર પાર્ટીનું આયોજન પણ કરી દીધુ છે. સમારોહમાં દુલ્હન સાથે તેના માતા પિતા પણ પ્રગટ થઇ જાય છે અને આ જોઇને ગોકુલધામના લોકો ચકિત થઇ જાય છે. છોકરીના પરિવારને ખબર પડતા તે સમારોહને વચ્ચે જ રોકાવી દે છે અને સોસાયટીવાળા પાસે કેટલાક સવાલના જવાબ માંગે છે.
પોપટલાલની દુલ્હન ઐયરની મહેમાન
જે છોકરીને પોપટલાલની દુલ્હન માનવામાં આવતી હતે તે તો બબિતા-ઐયરની મહેમાન છે. જ્યારે તે છોકરી તેના પતિ અને ઘરવાળા સાથે ગોકુલધામમાં પહોંચે છે ત્યારે બબિતા અને ઐયર ઘરે નથી હોતા જેના કારણે તે પોપટલાલના ઘરનો દરવાજો ખટખટાવે છે. પોપટલાલને કહાની સંભળાવીને તેની પાસે મદદ માંગે છે. રાતનો સમય હોવાથી પોપટલાલ પણ મદદ કરી દે છે અને સવારે બબિતા અને ઐયર ઘરે આવવાના હોય છે. આ કારણે ગોકુધામના લોકોને લાગે છે કે પોપટલાલ લગ્ન કરીને આવ્યો છે.