પોપટલાલના ઘરે છોકરી? તારક મહેતા કા ઉલ્ટા ચશ્માનું પાત્ર પોપટલાલ શરૂઆતથી અત્યાર સુધી લગ્ન કરવા માટે ઉતાવળો બન્યો હતો. દરેક વખતે બતાવવામાં આવે છે કે તે લોકોને રિકવેસ્ટ કરતો હોય છે કે તેના માટે કોઇ સારી છોકરી બતાવે. પોપટલાલને પૈણ ચડ્યુ છે પરંતુ છેલ્લા 12 વર્ષથી તે પરણી શક્યો નથી પરંતુ હવે તેના ઘરે એક સજેલી ધજેલી છોકરી જોવા મળી છે.
ભીડેએ જોઇ પોપટલાલના ઘરે છોકરી
તારક મહેતા...માં 2021ના વર્ષનો શુભારંભ થઇ ગયો છે અને ભિડે પોપટલાલના ઘર તરફ જોઇને કહે છે કે હે ભગવાન પોપટલાલનું આ વર્ષે ગોઠવાઇ જાય તો સારું, ત્યાં જ દુલ્હનના લિબાસમાં એક છોકરી તેની બાલ્કનીમાં દેખાય છે. ત્યારે ભીડેને ધક્કો લાગે છે કે પોપટલાલે સોસાયટીમાં કોઇને કીધા વગર લગ્ન કરી લીધા.
સોસાયટીના લોકો થયા ભેગા
ભીડેએ જ્યારે પોપટલાલના ઘરે છોકરી જોઇ ત્યારે તેનાથી રહેવાયુ નહી અને તેણે માધવી, સોઢી, જેઠાલાલ સહિત અન્ય લોકોને પણ બોલાવી લીધા અને આ વાત જાણીને દરેક લોકો દંગ રહી ગયા હતા. સોની ટીવીએ પણ પોતાના ઇન્સ્ટાગ્રામમાં એક પ્રોમો અપલોડ કર્યો છે ડેમાં પોપટલાલના ઘરમાં કોઇ છોકરી છે તે દેખાઇ રહ્યું છે.
આ છોકરી દુલ્હનની જેમ તૈયાર થઇ છે, હાથમાં મહેંદી લગાવીને બિલકુલ દુલ્હનની જેમ જે લટાર મારી રહી છે. સોસાયટીના દરેક લોકોને શંકા જઇ રહી છે કે આ પોપટલાલની પત્ની જ છે. 2021માં પોપટલાલના લગ્ન થઇ ગયા છે તેવો ક્યાસ ફેન્સ પણ લગાવી રહ્યાં છે અને આવનારા એપિસોડમાં દરેક લોકો દંગ જોવા મળશે. ઘરે બેઠા દર્શકો પણ આ પ્રોમોને જોઇને આભા બની ગયા છે.
ગયો એપિસોડમાં નવા વર્ષની ઉજવણી
ગયા અઠવાડિયે ગોકુલધામમાં નવા વર્ષનો જશ્ન મનાવવામાં આવ્યો હતો. બિલકુલ અલગ અંદાજમાં આ પાર્ટી યોજવામાં આવી હતી. સૌથી મહત્વની વાત તો તે હતી કે આ પાર્ટી ટપુસેનાએ નહી પરંતુ ચંપક ચાચાએ યોજી હતી. જેમાં ગોકુલધામવાસીઓને ખુબ જ મજા આવી હતી.