દિલ્હી MCD ચૂંટણી / કોઇકની પાસે કરોડોની પ્રોપર્ટી તો કોઇકની સંપત્તિ '0', જુઓ પાંચ ગરીબ ઉમેદવારોમાંથી કોણ બાજી મારી જશે?

• MCD ચુંટણીનું આજે પરિણામ આવશે
• 1,349 ઉમેદવારોમાંથી 556 કરોડપતિ છે
• 5 ઉમેદવારોની પોતની સંપતિ 5 હજારથી પણ ઓછી

દિલ્હી મ્યુનિસિપલ કોર્પોરેશનની ચૂંટણીના પરિણામ આજે આવશે. સવારે 8 કલાકે મતગણતરી હાથ ધરાશે. આ સાથે કુલ 1,349 ઉમેદવારોના ભાવિનો ફેંસલો થશે. આ પૈકીના કેટલાક ઉમેદવારો પર સૌની નજર રહેશે. ADR મુજબ ચૂંટણી લડી રહેલા ઉમેદવારોમાંથી 556 કરોડપતિ છે. 

સરેરાશ સંપત્તિ 2.27 કરોડ રૂપિયા
MCD ચૂંટણી 2022માં પ્રતિ સ્પર્ધક ઉમેદવારની સરેરાશ સંપત્તિ 2.27 કરોડ રૂપિયા છે. તે જ સમયે, કેટલાક ઉમેદવારોની સંપત્તિ હજારોમાં છે. બે ઉમેદવારો એવા પણ છે જેમણે શૂન્ય સંપત્તિ જાહેર કરી છે. તે જ સમયે, ત્રણ ઓછી મિલકત ઉમેદવારો છે જેમની મિલકત માત્ર બે હજારથી ચાર હજાર વચ્ચે છે. ચાલો જાણીએ આ ચૂંટણીમાં સૌથી ગરીબ પાંચ ઉમેદવારો કોણ છે? કોની પાસે કેટલી મિલકત છે?

આ બંને ઉમેદવારો પાસે એક રૂપિયાની પણ સંપત્તિ નથી 
1. રીટાઃ 
દક્ષિણ-પશ્ચિમ જિલ્લાના વોર્ડ-123 કાકરોલાના ઉમેદવાર, રીટાએ ચૂંટણી એફિડેવિટમાં તેમની સંપત્તિ શૂન્ય રૂપિયા તરીકે જાહેર કરી છે. રીટા અપક્ષ ઉમેદવાર તરીકે મેદાનમાં છે. 

2. બીના દેવી: 
દક્ષિણ - પશ્ચિમ જિલ્લાના 130-દ્વારકા-સી વોર્ડના ઉમેદવાર, બીના દેવી પાસે પણ કોઈ મિલકત નથી. બીના પણ અપક્ષ ઉમેદવાર તરીકે મેદાનમાં છે. 
 
સૌથી ઓછી સંપત્તિના ઉમેદવારો
1. કુસુમ યાદવ: 
કુસુમ યાદવ દિલ્હી મ્યુનિસિપલ કોર્પોરેશનના સૌથી ઓછી સંપત્તિના ઉમેદવાર છે. કુસુમ દિલ્હીના દક્ષિણ-પશ્ચિમ જિલ્લાના 132-કાપાશેરા વોર્ડમાંથી અપક્ષ તરીકે ચૂંટણી લડી રહી છે. ચૂંટણી એફિડેવિટમાં તેમણે પોતાની સંપત્તિ માત્ર બે હજાર રૂપિયા હોવાનું જાહેર કર્યું છે. 

2. પંકજ રાણા: 
દિલ્હી મ્યુનિસિપલ કોર્પોરેશનમાંથી બીજા સૌથી ઓછી સંપત્તિ ધરાવતા ઉમેદવાર પંકજ રાણા છે. રાણા દિલ્હી સેન્ટ્રલ જિલ્લાના 70-શાસ્ત્રીનગર વોર્ડમાંથી કોંગ્રેસની ટિકિટ પર ચૂંટણી લડી રહ્યા છે. ચૂંટણી એફિડેવિટમાં તેણે પોતાની સંપત્તિ માત્ર રૂ. 2,517 જાહેર કરી છે. તેના પર ત્રણ લાખ સાત હજારની લોન પણ છે.  

3. સુનિતા:
સુનીતા આ ચૂંટણીમાં ત્રીજા નંબરની સૌથી ઓછી સંપત્તિ ધરાવતી ઉમેદવાર છે. સુનીતા નવી દિલ્હી જિલ્લાના 153-વસંત વિહાર વોર્ડથી બહુજન સમાજ પાર્ટીની ટિકિટ પર ચૂંટણી લડી રહી છે. ચૂંટણી એફિડેવિટમાં સુનીતાએ પોતાની સંપત્તિ માત્ર 3,570 રૂપિયા જાહેર કરી છે. તેમની પાસે 2,000 રૂપિયા રોકડા છે, જ્યારે 1,570 રૂપિયા બેંકમાં જમા છે. એફિડેવિટ મુજબ સુનીતા વ્યવસાયે નર્સ છે. તેણે 2012માં યુપી બોર્ડમાંથી 10મું પાસ કર્યું હતું.