મંદી / ડૂબી પાકિસ્તાનની અર્થવ્યવસ્થા, મોંઘવારીએ તોડ્યો 12 વર્ષનો રેકોર્ડ!

• પાકિસ્તાનમાં મુશ્કેલીમાં મૂકાયા લોકો
• મોંઘવારીએ તોડ્યો 12 વર્ષનો રેકોર્ડ
• મોંઘવારી દર વધીને 14.6 ટકાએ પહોંચ્યો

મળતી માહિતિ અનુસાર ડિસેમ્બર 2019માં મોંઘવારીનો દર 12.6 ટકાનો રહ્યો હતો. આ આંકથી સ્પષ્ટ થાય છે કે ખાવા પીવાની ચીજોના ભાવમાં વધારો થવાના કારણએ મોંઘવારી વધી રહી છે. પાકિસ્તાનના લોકો ખાસ કરીને ઘઉંનો લોટ, દાળ, ખાંડ, ગોળ અને ખાદ્ય તેલના ભાવમાં વધારાને લઈને મુશ્કેલીમાં મૂકાયા છે. 

ખાદ્ય સામગ્રી અને ગેસ સિલિન્ડરના ભાવ વધતા મુશ્કેલી

ચોંકાવનારી વાત તો એ છે કે રોજની ખાવા પીવાની ચીજો, ફાસ કરીને ફળ અને શાકના ભાવ શહેરોની સરખામણીએ ગામડામાં વધારે જોવા મળે છે. જેના કારણે રસોઈ ગેસ સિલિન્ડરની કિમત પણ વર્ષ 2013 પછી સર્વોચ્ચ સ્તરે પહોંચી છે. 

મોંઘવારીનું સ્તર એ અભૂતપૂર્વ ઘટના

જાન્યુઆરીમાં શહેરી વિસ્તારોમાં ખાવાની ચીજોનો વાર્ષિક આધાર 19.5 ટકા વધ્યો છે દજ્યારે ગ્રામીણ વિસ્તારોમાં 23.8 ટકા વધ્યો છે. જે બતાવે છે કે શહેરો કરતાં ગ્રામીણ વિસ્તારોમાં મોંઘવારી વઘારે વઘી છે એ એક અભૂતપૂર્વ ઘટના છે. ઉલ્લેખનીય છે કે દેશમાં ટામેટા 158 ટકા, ડુંગળી 125 ટકા, તાજા શાક 93 ટકા, બટાકા 87 ટકા, ખાંડ 86 ટકા અને લોટ 24 ટકા મોંઘો થયો છે.