બોલિવૂડ / પૂનમ પાંડેનો પતિ સેમ થયો અરેસ્ટ,ઝઘડામાં દીવાલ પર દઈ માર્યું પત્નીનું માથું, હોસ્પિટલમાં દાખલ થઈ અભિનેત્રી 

• સેમ બોમ્બે વિરુદ્ધ IPC ની કલમો હેઠળ કેસ નોંધવામાં આવ્યો 
• પૂનમ અને સેમના લગ્ન 2020માં થયા હતા
• લિવ ઇન રિલેશનશિપ દરમિયાન પણ મારપીટ કરવામાં આવી હતી

સેમ બોમ્બે વિરુદ્ધ IPC ની કલમો હેઠળ કેસ નોંધવામાં આવ્યો 

બોલિવૂડ અભિનેત્રી પૂનમ પાંડેના પતિ સેમ બોમ્બેની પોલીસે ધરપકડ કરી લીધી છે. પૂનમ પાંડેએ સેમ બોમ્બે પર હુમલાનો આરોપ લગાવ્યો છે. પૂનમ પાંડેએ મુંબઈ પોલીસમાં સેમ બોમ્બે વિરૂદ્ધ કેસ દાખલ કર્યો છે, જે બાદ તેની ધરપકડ કરવામાં આવી છે. આ મામલાની માહિતી આપતાં પોલીસે જણાવ્યું છે કે, ફરિયાદ નોંધ્યા બાદ પૂનમ પાંડેને હોસ્પિટલમાં દાખલ કરવામાં આવી છે.મુંબઈ પોલીસના જણાવ્યા અનુસાર,"સેમ બોમ્બે વિરુદ્ધ ભારતીય દંડ સંહિતા (IPC)ની કલમો હેઠળ કેસ નોંધવામાં આવ્યો છે. અભિનેત્રીને તેના માથા, આંખ અને ચહેરા પર ગંભીર ઈજાઓ થઈ છે." પોલીસ આ મામલે તપાસમાં લાગેલી છે.

પૂનમ અને સેમના લગ્ન 2020માં થયા હતા

નોંધનીય છે કે આ પહેલા અભિનેત્રી પૂનમ પાંડેએ પણ તેના પતિ વિરુદ્ધ કેસ દાખલ કર્યો હતો અને તેના પર મારપીટનો આરોપ લગાવ્યો હતો. વર્ષ 2020માં પૂનમ પાંડેની ફરિયાદ પર પોલીસે સેમ બોમ્બેની પણ ધરપકડ કરી હતી. વાસ્તવમાં પૂનમે વર્ષ 2020માં સેમ બોમ્બે સાથે લગ્ન કર્યા હતા અને ગોવામાં હનીમૂન દરમિયાન સેમ બોમ્બેએ પૂનમ પાંડે પર હુમલો કર્યો હતો. જે બાદ પૂનમ પાંડેએ તેના પતિ વિરુદ્ધ પોલીસમાં મારપીટનો કેસ નોંધાવ્યો હતો અને ગોવા પોલીસે સેમ બોમ્બેની ધરપકડ કરી હતી. જો કે બાદમાં તેને જામીન પર છોડવામાં આવ્યો હતો.

લિવ ઇન રિલેશનશિપ દરમિયાન પણ મારપીટ કરવામાં આવી હતી

પૂનમ પાંડે અને સેમ બોમ્બે 2 વર્ષ લિવ-ઈન રિલેશનશિપમાં રહ્યા પછી જ લગ્ન કરી લીધા. પૂનમ પાંડેના કહેવા પ્રમાણે, લિવ-ઈન રિલેશનશિપ દરમિયાન પણ સેમ બોમ્બે ઘણીવાર તેને માર મારતો હતો.