સુપ્રીમ કોર્ટે મંગળવારે પોર્ન ફિલ્મ રેકેટ મામલે બોલીવુડ અભિનેત્રી પૂનમ પાંડેને ધરપકડમાંથી રાહત આપી છે. આ મામલે અભિનેત્રી શિલ્પા શેટ્ટીનો પતિ રાજ કુન્દ્રા મુખ્ય આરોપી છે. જસ્ટિસ વિનીત સરન અને જસ્ટિસ બીવી નાગરત્નાની ખંડપીઠે તેની આગોતરા જામીન અરજીને ફગાવનારી બોમ્બે હાઈકોર્ટના આદેશને પડકારતી અપીલ પર મહારાષ્ટ્ર સરકારને પણ નોટીસ જાહેર કરી છે.
સુપ્રીમ કોર્ટે પોર્ન ફિલ્મ રેકેટ મામલે પૂનમ પાંડેને આપી રાહત
કોર્ટે પૂનમ પાંડેને ધરપકડમાંથી રાહત આપી
અભિનેત્રી શિલ્પા શેટ્ટીનો પતિ રાજ કુન્દ્રા મુખ્ય આરોપી
પૂનમ પાંડેને રાહત
સુપ્રીમ કોર્ટે પોતાના ચુકાદામાં કહ્યું, નોટીસ જાહેર કરો. આ દરમ્યાન અરજી કરનારાની સામે કોઈ દંડાત્મક કાર્યવાહી કરવામાં આવશે નહીં. બોમ્બે હાઈકોર્ટે ગયા વર્ષે નવેમ્બરમાં પૂનમ પાંડેને રાહત આપવાનો ઈન્કાર કરી દીધો હતો. ત્યારબાદ પૂનમ પાંડેએ આ આદેશને પડકારી સુપ્રીમ કોર્ટના દરવાજા ખખડાવ્યાં હતા.
શર્લિન ચોપડા પણ આરોપી
મુંબઈ પોલીસની FIRમાં પૂનમ પાંડેને અભિનેત્રી શર્લિન ચોપડાની સાથે આરોપી બનાવવામાં આવી છે. સુપ્રીમ કોર્ટે 15 ડિસેમ્બરે રાજ કુન્દ્રાને પોર્ન ફિલ્મ રેકેટ સાથે જોડાયેલા એક કેસમાં ધરપકડ બાદ ચાર અઠવાડિયાની રાહત આપી હતી. બોમ્બે હાઈકોર્ટે નવેમ્બરમાં રાજ કુન્દ્રા દ્વારા પોર્ન ફિલ્મ રેકેટ કેસમાં મુંબઈ પોલીસ દ્વારા તેની સામે FIR નોંધાયા બાદ આગોતરા જામીન અરજી પર વિચાર કરવાનો ઈનકાર કર્યો હતો. બોમ્બે હાઈકોર્ટે અરજી ફગાવ્યાં બાદ કુન્દ્રાએ સુપ્રીમ કોર્ટના દ્વાર ખખડાવ્યા હતા.
રાજ કુન્દ્રાએ બોમ્બે હાઈકોર્ટ જવુ પડ્યુ
કુન્દ્રાએ પહેલી વખત સેશન્સ કોર્ટમાં આગોતરા જામીન માંગ્યા હતા પરંતુ તેને કોઈ રાહત મળી નહીં અને ત્યારબાદ રાજ કુન્દ્રાએ બોમ્બે હાઈકોર્ટ જવુ પડ્યુ અને દાવો કર્યો હતો કે તેને કથિત રીતે ફસાવવામાં આવ્યો હતો.