જાણીતી અભિનેત્રી અને મૉડલ પૂનમ પાંડે તેની બોલ્ડ તસવીરો અને વીડિયોને કારણે જબરદસ્ત ચર્ચામાં રહે છે પરંતુ હાલમાં તેનું નવું લગ્નજીવન જબરદસ્ત ચર્ચામાં છે. તેણે આ મહિનામાં તેના બોયફ્રેન્ડ સેમ બોમ્બે સાથે લગ્ન કર્યા.
લગ્નના 21 દિવસમાં નોંધાવી ફરિયાદ
પતિ સેમ બોમ્બે કરતો હતો મારપીટ
પૂનમ પાંડે આવી ફરી વિવાદમાં
લગ્ન બાદ તે હનીમૂન પર પણ જતી જોવા મળી હતી. લગ્નના 21 દિવસ બાદ એક ચોંકાવનારો ખુલાસો થયો છે. પૂનમ પાંડેએ તેના પતિ પર હુમલો કરવા અને જાનથી મારી નાખવાની ધમકી આપવાનો આરોપ લગાવ્યો છે. એટલું જ નહીં, આ મામલો એટલો ગંભીર બની ગયો છે કે તેના પતિની પણ પોલીસે ધરપકડ કરી છે
મળતી માહિતી અનુસાર પૂનમ પાંડેના પતિ સેમ બોમ્બેની મંગળવારે ગોવામાં ધરપકડ કરવામાં આવી છે. અભિનેત્રીએ તેના પતિ સામે છેડતી, ધમકી અને જાનથી મારી નાખવાની ફરિયાદ નોંધાવી હતી.
Goa: Canacona Police today arrested Sam Bombay, husband of actress Poonam Pandey for molesting, assaulting and threatening to kill her, says South Goa SP Pankaj Kumar Singh
એક પોલીસ અધિકારીએ આ બાબતે જણાવ્યું છે કે, આ ઘટના દક્ષિણ ગોવાના કેનાકોના ગામની છે જ્યાં પાંડે એક ફિલ્મનું શૂટિંગ કરી રહી હતી. કેનાકોના પોલીસ સ્ટેશનના ઇન્સ્પેક્ટર તુકારામ ચૌહાણે કહ્યું, "પૂનમે સોમવારે મોડી રાત્રે ફરિયાદ નોંધાવી હતી કે તેના પતિ સેમ બોમ્બેએ તેના પર હુમલો કર્યો હતો અને તેના ભયંકર પરિણામો ભોગવવાની ધમકી આપી હતી."
તમને જણાવી દઈએ કે પૂનમનો પતિ સેમ અહમદ બોમ્બે વ્યવસાયે ફિલ્મ ડાયરેક્ટર છે. પૂનમ પાંડેએ તેની ફિલ્મ કારકીર્દિની શરૂઆત વર્ષ 2013માં ફિલ્મ નશાથી કરી હતી. જે બાદ તે ઘણી ફિલ્મોમાં જોવા મળી હતી. પૂનમ અને સેમે જુલાઇમાં લોકડાઉન દરમિયાન સગાઈ કરી હતી. દંપતીએ 10 સપ્ટેમ્બરના રોજ સોશ્યલ મીડિયા પર લગ્નની ઘોષણા કરી હતી.
બોલ્ડ એક્ટ્રેસ પૂનમ પાંડેએ ત્રણ વર્ષના સંબંધ પછી તેના બોયફ્રેન્ડ સેમ બોમ્બે સાથે લગ્ન કર્યા. કોરોના સમયગાળા દરમિયાન, 27 જુલાઈએ બંનેની સગાઈ થઈ.