સોમવારે જ શિલ્પાના પતિને ક્રાઇમ બ્રાંચ તરફથી પૂછપરછ માટે બોલાવવામાં આવ્યો હતો, બાદમાં રાજની ધરપકડ કરવામાં આવી છે. અભિનેત્રીઓએ રાજ વિરુદ્ધ નિવેદન આપ્યુ છે.
રાજ કુંદ્રા વિરુદ્ધ પોર્નોગ્રાફિક ફિલ્મ બનાવવાનો મામલો
શર્લિન ચોપડા અને પૂનમ પાંડેએ નોંધાવ્યું નિવેદન
એક પ્રોજેક્ટ પાછળ મળતા હતા 30 લાખ રૂપિયા
શર્લીન ચોપરા અને પુનમ પાંડેએ નોંધાવ્યા નિવેદન
રાજ કુન્દ્રા પર પોર્ન ફિલ્મ બનાવવાનો આરોપ લાગ્યો છે ત્યારે શર્લીન ચોપરા અને પુનમ પાંડેએ પણ સાયબર સેલમાં પોતાના નિવેદન નોંધાવ્યા છે. જેમાં બંને અભિનેત્રીઓએ ખુલાસો કર્યો છે કે તેમણે 15-20 ફિલ્મોમાં કામ કર્યુ છે.
શર્લીન ચોપરાએ કહ્યું કે તેણે રાજ કુંદ્રાના 15થી 20 પ્રોજેક્ટ માટે કામ કર્યું છે અને એક પ્રોજેક્ટ માટે તેને 30 લાખ રૂપિયા મળતા હતા. જો આ આરોપ સાચા સાબિત થશે તો રાજને સજા થશે અને દંડ પણ ભરવો પડશે.
આજે રાજને કોર્ટમાં રજૂ કરાશે
શિલ્પા શેટ્ટીના પતિ રાજ કુન્દ્રાને આજે કોર્ટમાં રજૂ કરવામાં આવશે. રાજ સાથે ક્રાઇમ બ્રાંચે લાંબી પૂછપરછ કરી હતી જે બાદ તેની ધરપકડ કરવામાં આવી હતી.
થોડા સમય પહેલા વેબ સિરીઝના નામ પર અશ્લીલ ફિલ્મો બનાવવાના રેકેટનો ખુલાસો થયો હતો. જેમાં ગહના વશિષ્ઠનું નામ આવ્યું હતુ. આ મામલામાં મુંબઇ ક્રાઇમ બ્રાંચે ગુજરાતના સુરતથી તનવીર હાશ્મીની ધરપકડ કરી હતી.
તનવીર હાશ્મીએ પૂછપરછમાં જણાવ્યું કે, તે કેવી રીતે અલગ અલગ ફિલ્મોને વીડિયો ઍપ્સ પર ડાઉનલોડ કરવાનું કામ કરતો હતો. ઉમેશ કામત રાજ કુન્દ્રાની કંપનીમાં મેનેજીંગ ડિરેક્ટર છે. તે સમયે ચર્ચામાં આવ્યો હતો કે વેબ સિરીઝના નામ પર પોર્ન સિરીઝ બનાવવાનું આ રેકેટ મુંબઇથી ગુજરાત અને દેશ વિદેશ સુધી ફેલાયેલું છે.