નવી દિલ્હીઃ અમેરિકી રાષ્ટ્રપતિ ડોનાલ્ડ ટ્રમ્પ અને ઉત્તર કોરિયાઇ નેતા કિમ જોંગ-ઉન વચ્ચે ટુંક સમયમાં જ બીજી બેઠક થઇ શકે છે. અમેરિકાના વિદેશ મત્રી માઇક પોમ્પિયો અને કિમ જોંગ-ઉન વચ્ચે પ્યોંગયાંગમાં થયેલ બેઠકમાં પરમાણુ નિઃશસ્ત્રીકરણને લઇને સકારાત્મક વાતચીત થઇ.
ઉત્તર કોરિયાની રાજધાની પ્યોંગયાંગમાં અમેરિકાના વિદેશ મંત્રી માઇક પોમ્પિયો અને કિમ વચ્ચે લગભગ બે કલાકની વાતચીત બાદ પોમ્પિયોએ ટ્વીટ કરીને લખ્યું કે પ્યોંગયાંગની યાત્રા પર ચેરમેન કિમની સાથે મુલાકાય સારી રહી. અમે લોકોએ સિંગાપુર શિખર વાર્તા માટે સહમતિના આધારે સતત પ્રગતિની દેશમાં આગળ વધી રહ્યા છે. હું અને મારી ટીમની મહેમાનગતિ બદલ ધન્યવાદ.
કિમ જોંગ-ઉને પણ પોમ્પિયોની સાથે થયેલ વાતચીતના વખાણ કર્યા છે. તેમણે કહ્યું કે આ બહુ સારો દિવસ હતો જે બન્ને દેશો માટે એક સારા ભવિષ્યનો વાયદો કરે છે.
ઉત્તર કોરિયાની સાથે વાતચીત બાદ અમેરિકી વિદેશ મંત્રી પોમ્પિયો દ.કોરિયા પહોંચ્યા. રાજધાની સિયોલમાં પોમ્પિયોએ કહ્યું કે અમેરિકા અને ઉત્તર કોરિયા વચ્ચે નજીકના સમયમાં બીજી શિખર વાર્તા પર સહમતિ બની છે. દ.કોરિયાના રાષ્ટ્રપતિની ઓફિસ દ્વારા નિવેદનમાં કહેવામાં આવ્યું છે કે જો કે હજુ તારીખ અને સ્થળ માટે સહમતિ બાકી છે.