સમસ્યા / દર 10 માંથી 1 મહિલાને થાય છે આ ગંભીર બીમારી, જેના કારણે માતા બનવામાં થાય છે તકલીફ, જાણો બચવાના ઉપાય

• નાની ઉંમરની છોકરીઓમાં PCODની સમસ્યા વધી ગઈ છે
• આમાં સ્થૂળતા વધવાની સાથે હોર્મોન્સમાં પણ ગરબડ થઈ જાય છે
• ખાનપાનમાં ધ્યાન રાખી આ સમસ્યાને કંટ્રોલ કરી શકાય છે

વર્ષ 2019ના આંકડાઓની માનીએ તો ભારતમાં દર 10 માંથી 1 મહિલાને પીસીઓડી એટલે કે, પોલિસિસ્ટિક ઓવેરી ડિસીઝની (PCOD) બીમારી છે. આ શરીરના મોટાબોલિઝ્મ અને હોર્મોન્સના અસંતુલન સાથે જોડાયેલી બીમારી છે. જેમાં મહિલાની ઓવરી એટલે અંડાશયમાં ઘણાં નાના-નાના સિસ્ટ બનાવા લાગે છે. તેનું કારણ હોર્મોનના ઉત્પાદનમાં ગડબડ છે, પીરિયડ્સ અનિયમિત બની જાય છે, ઈન્ફર્ટિલિટીનું જોખમ વધે છે જેના કારણે માતા બનાવામાં મુશ્કેલી આવે છે. એટલું જ નહીં ડાયાબિટીસ અને શરીર પર અણગમતા વાળની વૃદ્ધિ જેવી સમસ્યાઓ પણ જોવા મળે છે.

PCOSના લક્ષણો

આ બીમારીના વિશિષ્ટ લક્ષણોમાં વજન વધવું, શરીર અને ચહેરા પર વાળનો ગ્રોથ વધવો, વાળ પાતળા થવા, વંધ્યતા, ખીલ, પેલ્વિક પેઈન, માથાનો દુખાવો, ઊંઘની સમસ્યા અને મૂડ સ્વિંગ્સ સામેલ છે. મોટાભાગના લક્ષણો યુવાવસ્થાના તરત બાદ શરૂ થઈ જાય છે અને તે લાંબા સમય પછી કિશોરો અને શરૂઆતી વયસ્કતામાં પણ વિકસિત થઈ શકે છે. 

PCODનો કોઈ ઈલાજ નથી

સૌથી મુશ્કેલ વાત એ છે કે આ બિમારી માટે કોઈ નિશ્ચિત સારવાર નથી. એકવાર જો આ બીમારી થઈ જાય છે તો તેને સંપૂર્ણપણે દૂર કરી શકાતી નથી, પરંતુ લાઇફસ્ટાઇલ અને આહારમાં ફેરફાર કરી તેને યોગ્ય રીતે મેનેજ જરૂર કરી શકાય છે. ખાનપાનને મેનેજ કરવું એટલા માટે જરૂરી છે કેમ કે પીસીઓડીથી પીડિત મોટાભાગની મહિલાઓ ઓવરવેટ હોય છે. ડાયટને કંટ્રોલ કરી વેટ મેનેજ કરી શકાય છે અને ઇન્શ્યૂલિનના ઉત્પાદનને પણ કંટ્રોલ કરી શકાય છે જેથી ડાયાબિટીસની બીમારી ન થાય.

PCOSથી બચવાની ટિપ્સ

• લક્ષણ દેખાતાં જ તરત ડોક્ટરને બતાવો, આનો ઈલાજ થોડો લાંબો ચાલે છે.
• પીરિયડ્ય સાયકલને સમજો અને શરીરમાં આવતા ફેરફારને લઈને સાવધ રહેવું.
• સંતુલિત ભોજન ખાવું, જેટલું બની શકે એટલું જંક ફૂ઼ડ અને પ્રોસેસ્ડ ફૂડ અવોઈડ કરવું.
• દરરોજ સવારે 1 કલાક વોક અથવા એક્સરસાઈઝ કરો. 
• માનસિક રીતે પણ સ્વસ્થ રહેવું. સ્ટ્રેસ લેવું નહીં.
• બ્રોકલી, ફ્લાવર અને પાલક જેવા હાઈ ફાયબર ખાદ્ય પદાર્થો ખાવા.
• બદામ, અખરોટ, ઓમેગા અને ફેટી એસિડવાળા ખોરાક ડાયટમાં સામેલ કરવા. 
• 3વાર ભોજન કરવાની જગ્યાએ 5વારમાં થોડી-થોડી માત્રામાં ભોજન કરવું. તેનાથી મેટાબોલિઝ્મ યોગ્ય રહે છે.
• યોગ અને મેડિટેશનથી સ્ટ્રેસ કંટ્રોલ કરવું.
• ધૂમ્રપાન અને દારૂથી દૂર રહેવું, કારણ કે આ PCOSના લક્ષણોને વધારી શકે છે.

કેટલાક ઘરેલૂ ઉપાય

• રિસર્ચ મુજબ તજ સ્વાસ્થ્યની અનેક સમસ્યા માટે લાભકારી છે. આ ફીમેલ હોર્મોન્સ માટે ફાયદેમંદ છે. જેથી રોજ તજવાળી ચા બનાવીને પીવી.
• રોજ રાતે 1 ચમચી મેથી દાણા પાણીમાં પલાળી સવારે ખાલી પેટ તેનું પાણી પીવું. આનાથી બોડીમાં ઈન્સ્યૂલિનનું સ્તર કંટ્રોલમાં રહે છે.
• અળસીના બીજ ખાવા. તે ફેટી થ્રી અને ઓમેગા-6 ફેટી એસિડનો બેસ્ટ સોર્સ છે. આ શરીરમાં ટેસ્ટોસ્ટેરોનની માત્રા ઘટાડે છે.
• તુલસી ફીમેલ હોર્મોનને વધારે છે. જેની મદદથી ઓવ્યૂલેશનની પ્રક્રિયા સામાન્ય રીતે ચાલે છે. તમે તેના પાન સવારે ચાવીને ખાઈ શકો છો અથવા તો તેને ચામાં નાખીને પણ પી શકો છો.