કર્ણાટકના રાજ્યપાલ પણ પોતાના વતન રાજકોટ આવી પહોંચ્યા હતા. રાજ્યપાલ વજુભાઈ વાળા મતદાન કરવા માટે પણ પહોંચ્યા હતા.
કર્ણાટકના રાજ્યપાલ વજુભાઈ વાળા મતદાન કરવા પહોંચ્યા
રાજકોટ મહાપાલિકાની ચૂંટણીમાં વજુભાઈ મતદાન માટે પહોંચ્યા
રાજકોટ મહાપાલિકામાં પણ અનેક હોદ્દાઓ સંભાળી ચૂક્યા છે
કર્ણાટકના રાજ્યપાલ પણ પોતાના વતન રાજકોટ આવી પહોંચ્યા હતા. રાજ્યપાલ વજુભાઈ વાળા મતદાન કરવા માટે પણ પહોંચ્યા હતા. રાજકોટ મહાપાલિકામાં પણ વજુભાઈ વાળા અનેક હોદ્દાઓ સંભાળી ચૂક્યા છે. તો સાથે રાજકોટમાં પૂર્વ કોંગ્રેસી ધારાસભ્ય ઈન્દ્રનીલ રાજ્યગુરુએ પણ મતદાન કર્યું હતું. વોર્ડ નંબર 10મા ઈન્દ્રનીલ રાજ્યગુરુએ મતદાન કર્યું છે.
તો નેતાઓની સાથે લોકગાયક કીર્તિદાન ગઢવીએ પણ મતદાન કર્યું હતું. રાજકોટમાં કીર્તિદાને પરિવાર સાથે મતાધિકારનો ઉપયોગ કર્યો હતો. કીર્તિદાન ગઢવીએ VTV સાથે વાત કરતા કહ્યું કે, દરેક લોકોએ પોતાના મતાધિકારનો ઉપયોગ કરવો જોઈએ.
તો લોકગાયકોની સાથે એક્ટરોએ પણ પોતાનું મતદાન કર્યું છે. જાણીતી ટીવી સીરીયલ તારક મહેતા કા ઉલટા ચશ્માના કલાકાર મયુર વાકાણીએ પણ મતદાન કર્યું હતું. પત્ની સાથે મયુર વાકાણી મતદાન માટે ખાડિયા વિસ્તારમાં પહોંચ્યા હતા.
આ સાથે ભાવનગરમાં નામાંકિત વૈજ્ઞાનિક મહેશ ભટ્ટે પણ મતદાન કર્યું હતું. 90 વર્ષના વૈજ્ઞાનિક મહેશ ભટ્ટે મતાધિકારનો ઉપયોગ કર્યો હતો. સરદારનગર તરસમિયા વોર્ડ ખાતે મતદાન કર્યું હતું. નાદુરસ્ત તબિયત વચ્ચે પણ મતદાન કરવા પહોંચ્યા હતા.
કલાકારો, સાહિત્યકારો અને નેતાઓ સાથે સંતોએ પણ વડોદરા ખાતે મતદાન કર્યું છે. અટલાદરાના BAPSના 30થી વધુ સંતોએ મતદાન કર્યું છે. જ્ઞાનવત્સલ સ્વામી, કોઠારી સ્વામીએ મતદાન કર્યું છે. સંતોએ લોકોને મત આપવા અપીલ કરી છે.