લોકસભા ચૂંટણીના બીજા તબક્કા અંર્તગત 11 રાજ્યો અને એક કેન્દ્ર શાસિત પ્રદેશ પુડ્ડચેરીની કુલ 95 સીટ માટે મતદાન થઈ રહ્યું છે. બીજા તબક્કામાં 97 સીટ માટે મતદાન થવાનું હતું પરંતુ તમિલનાડુની વેલ્લોર સીટ પર મતદારોમાં પૈસા વહેંચવામાં આવ્યા હોવાની શંકાથી ચૂંટણી રદ કરવામાં આવી છે. જ્યારે ત્રિપુરા-પૂર્વ લોકસભા સીટ પર કાયદો વ્યવસ્થા ઠીક ન હોવાના કારણે ચૂંટણી રદ કરવામાં આવી છે. બંગાળમાં ઘણી જગ્યાએ હિંસા થઈ છે. ચોપડામાં તૃણમૂલ અને ભાજપ કાર્યકર્તાઓ વચ્ચે મારા મારી થઈ હતી. આ દરમિયાન એક પોલિંગ બુથ પર ઈવીએમ પણ તોડી દેવામાં આવ્યું હતું. બીજી બાજુ ઓરિસ્સાના ગંજામમાં વોટિંગ કરવા માટે લાઈનમાં ઉભા રહેલા 95 વર્ષના વૃદ્ધનું મોત થઈ ગયું હતું.
3 વાગ્યા સુધીનું મતદાન
પશ્ચિમ બંગાળ - 65.43 ટકા
બિહાર- 45.77 ટકા
ઉત્તર પ્રદેશ - 50.39 ટકા
છત્તીસગઢ - 59.72 ટકા
કર્ણાટક - 49.26 ટકા
ઓરિસ્સા - 53 ટકા
મણિપુરમાં - 67.5 ટકા
ઉત્તર પ્રદેશ - 50.39 ટકા
ઉત્તર પ્રદેશમાં - 39 ટકા
પશ્ચિમ બંગાળ - 51.60 ટકા
કર્ણાટક - 36.31 ટકા
મણિપુર - 49.7 ટકા
છત્તીસગઢ - 47.02 ટકા
જમ્મુ-કાશ્મીર - 29.6 ટકા
મહારાષ્ટ્ર - 35 ટકા
બીજા તબક્કામાં યોજાયેલી ચૂંટણીના આંકડા પર નજર કરવામાં આવે તો સવારના 10 વાગ્યા સુધીમાં બુલંદશહેરમાં 14 % મતદાન નોંધાયું છે, બિહારમાં 16 % મતદાન, જમ્મૂ-કશ્મીરમાં 10 % મતદાન, આસામમાં 13 % મતદાન, મહારાષ્ટ્રમાં 12 % મતદાન, કકર્ણાટકમાં 11 % મતદાન, ઓડિશામાં 12 % મતદાન, બંગાળમાં 13 % મતદાન,
છત્તીસગઢમાં 14 % મતદાન, તમિલનાડુમાં પોલાચીમાં 20 % મતદાન, કોઈમ્બતૂરમાં 14 % મતદાન નોંધાયું છે.
લોકસભા ચૂંટણી 2019ના બીજા તબક્કાના મતદાનનો પ્રારંભ થઇ ગયો છે. બીજા તબક્કામાં 12 રાજ્યની 95 બેઠક પર મતદાનની શરૂઆત થઇ ગઇ છે. બીજા તબક્કામાં તમિલનાડૂની 38, કર્ણાટકની 14, મહારાષ્ટ્રની 10, ઉત્તર પ્રદેશની 8, અસમ, બિહાર અને ઓડિશાની 5-5, છત્તીસગઢ તથા પશ્ચિમ બંગાળની 3-3, જમ્મૂ-કાશ્મીરની 2 અને મણિપુર અને પોંડિચેરીની એક-એક બેઠક પર મતદાન યોજાઇ રહ્યું છે. આ સાથે ઓડિશાની 35 વિધાનસભા બેઠક પર પણ મતદાન કરવામાં આવી રહ્યું છે.