વિધાનસભા ચૂંટણી / લોકસભા સાથે દેશના આ રાજ્યોની 295 બેઠક પર મતદાન...

લોકસભા ચૂંટણીને લઇને પ્રથમ તબક્કાના મતદાનનો પ્રારંભ થઇ ગયો છે. પ્રથમ તબક્કામાં 20 રાજ્યોની 91 લોકસભા બેઠક પર મતદાન યોજાઇ રહ્યું છે. લોકસભા બેઠકને લઇને મતદાન સાથે દેશના ચાર રાજ્યોની વિધાનસભા માટે પણ મતદાન યોજાઇ રહ્યું છે.
 
જેમાં આંધ્ર પ્રદેશની 175 વિધાનસભા બેઠક, અરૂણાચલ પ્રદેશની 60, સિક્કિમની 32 અને ઓડિશાની 28 વિધાનસભા બેઠક પર મતદાતાઓ મતદાન કરી રહ્યાં છે. આંધ્ર પ્રદેશથી અલગ થયા બાદ 2014માં તેલંગાણા રાજ્યની સ્થાપના બાદ આંધ્ર પ્રદેશમાં પ્રથમ વખત વિધાનસભા ચૂંટણી યોજાઇ રહી છે.
 
આંધ્ર પ્રદેશની બધી 25 લોકસભા અને 175 વિધાનસભા બેઠક પર પ્રથમ તબક્કામાં મતદાન સંપન્ન થઇ જશે. ઉલ્લેખનીય છે કે આજરોજ યોજાનારા મતદાન માટે મંગળવાર સાંજથી ચૂંટણી પડઘમ શાંત થઇ ગયા હતા. કેટલીક બેઠકો પર સાંજે ચાર વાગ્યા સુધી જ્યારે કેટલીક બેઠકો પર સાંજે પાંચ વાગ્યા સુધી અને કેટલીક બેઠકો પર છ વાગ્યા સુધી મતદાન યોજાશે. 

આંધ્ર પ્રદેશમાં જન સેના પાર્ટીના ઉમેદવારે ઇવીએમ ફેંકી દેતા તેમની ધરપકડ કરવામાં આવી છે. અહીં અનંતપુર જિલ્લામાં જનસેના ઉમેદવાર મધુસૂદન ગુપ્તાએ પોલિંગ બૂથમાં ઇવીએમને ઉઠાવી જમીન પર પછાડી દીધું હતું. જો તે ત્યારબાદ તરત જ સુરક્ષાદળે તેમની ધરપકડ કરી લીધી.  આંધ્ર પ્રદેશના મુખ્યમંત્રી ચંદ્રાબાબુ નાયડુએ અમરાવતી લોકસભા ક્ષેત્રમાં પોતાના પરિવાર સાથે મતદાન કર્યું.